Nipuna-education - Aug 19, 2020 , 01:05:18

చదివిస్తారు.. కొలువిస్తారు!

ఆర్మీలో 10+2 టెక్నికల్‌ ఎంట్రీ

ఇంటర్‌ ఎంపీసీ ఉత్తీర్ణులకు అవకాశం. బీటెక్‌ చదివిస్తారు. తర్వాత ఆర్మీలో లెఫ్టినెంట్‌ హోదాలో ఉద్యోగం ఇస్తారు. ఆకర్షణీయమైన జీతభత్యాలు, పదోన్నతులకు అవకాశం. వీటన్నింటి సమాహారమే 10+2 ఎంట్రీ స్కీం-44. ప్రస్తుతం టీఈఎస్‌ నోటిఫికేషన్‌ విడుదలైన నేపథ్యంలో ఆ వివరాలు నిపుణ

పాఠకుల కోసం..

సంస్థ: ఇండియన్‌ ఆర్మీ
కోర్సు: 10+2 ఎంట్రీ స్కీం (పర్మినెంట్‌ కమిషన్‌)
ఈ కోర్సు జనవరి 2021లో ప్రారంభమవుతుంది.
మొత్తం ఖాళీలు: 90
అర్హతలు: ఫిజిక్స్‌, కెమిస్ట్రీ, మ్యాథమెటిక్స్‌ సబ్జెక్టుల్లో 70 శాతంతో ఇంటర్‌ ఉత్తీర్ణులై ఉండాలి.
వయసు: 16 1/2 ఏండ్ల నుంచి 19 1/2 ఏండ్ల మధ్య ఉండాలి. జూలై 1, 2001 కంటే ముందు, జూలై 1, 2004 తర్వాత జన్మించినవారు అనర్హులు.
శారీరక ప్రమాణాలు: కనీసం 157.5 సెం.మీ. ఎత్తు ఉండాలి.
కమిషన్‌ రకం: నాలుగేండ్ల కోర్సు పూర్తయిన తర్వాత పర్మినెంట్‌ కమిషన్‌ కింద ఆర్మీలో లెఫ్టినెంట్‌ హోదాలో ఉద్యోగ అవకాశం కల్పిస్తారు.

ఎంపిక విధానం

దరఖాస్తు చేసుకున్న అభ్యర్థులను ఇంటర్‌ ఎంపీసీ గ్రూప్‌లో సాధించిన మార్కుల మెరిట్‌ ఆధారంగా షార్ట్‌ లిస్ట్‌ చేస్తారు.
ఎంపికైనవారికి అయిదు రోజులపాటు రెండు దశల్లో ఎస్‌ఎస్‌బీ సైకలాజికల్‌ పరీక్షలు, గ్రూప్‌ పరీక్షలు, ఇంటర్వ్యూలు నిర్వహిస్తారు.
ఎస్‌ఎస్‌బీ ఇంటర్వ్యూలు అలహాబాద్‌, భోపాల్‌, బెంగళూరు, కపుర్తలాలో నిర్వహిస్తారు. వారివారి ప్రాంతాలను బట్టి ఆయా కేంద్రాల్లో పరీక్షలకు అనుమతిస్తారు.
స్టేజ్‌-1 లో అర్హత సాధించినవారిని స్టేజ్‌-2కు అనుమతిస్తారు. అన్ని విభాగాల్లోనూ రాణిస్తే మెడికల్‌ టెస్టుకు పంపుతారు.
దీనిలో ఎంపికైనవారిని శిక్షణకు పంపిస్తారు.

శిక్షణ వివరాలు

కోర్సులో చేరినవాళ్లకి అయిదేండ్ల పాటు శిక్షణ ఉంటుంది.
మొదటి ఏడాది ఆఫీసర్‌ ట్రెయినింగ్‌ అకాడమీ గయలో బేసిక్‌ మిలిటరీ ట్రెయినింగ్‌ నిర్వహిస్తారు.
అనంతరం సాంకేతిక శిక్షణ (టెక్నికల్‌ ట్రెయినింగ్‌) ఉంటుంది. ఇది పుణె, సికింద్రాబాద్‌ లేదా మౌలో ఇస్తారు.
ఎంపికైనవారు ఎలక్ట్రికల్‌ అండ్‌ మెకానికల్‌ ఇంజినీరింగ్‌, ఎలక్ట్రానిక్స్‌ అండ్‌ మెకానికల్‌ ఇంజినీరింగ్‌ కోర్సులు చదవాలి.
మూడేళ్ల శిక్షణ అనంతరం అభ్యర్థులకు నెలకు రూ.56,100 చొప్పున స్టయిఫండ్‌ చెల్లిస్తారు. విజయవంతంగా కోర్సు పూర్తిచేసుకున్నవారికి ఢిల్లీలోని జేఎన్‌యూ ఇంజినీరింగ్‌ డిగ్రీని ప్రదానం చేస్తుంది.

పదోన్నతులు

లెఫ్టినెంట్‌ హోదాలో మొదట ఉద్యోగం ఇస్తారు. తర్వాత కెప్టెన్‌-మేజర్‌, లెఫ్టినెంట్‌ కల్నల్‌, కల్నల్‌ (టీఎస్‌), కల్నల్‌, బ్రిగేడియర్‌, మేజర్‌ జనరల్‌, లెఫ్టినెంట్‌ జనరల్‌/హ్యాగ్‌ స్కేల్‌, ఆర్మీ కేడర్‌, సీవోఏఎస్‌ వరకు పదోన్నతి పొందవచ్చు.
పేస్కేల్‌: ప్రారంభంలో లెవల్‌-10 కింద రూ. 56,100-1,77,500/- ఇస్తారు. వీరికి ఇతర అలవెన్స్‌లు ఉంటాయి.