న్యూఢిల్లీ : ఫేస్బుక్లో పరిచయమైన వ్యక్తి (49) అభ్యంతరకర వీడియో రికార్డు చేసి డబ్బు డిమాండ్ చేసిన మహిళ ఉదంతం ముంబైలో వెలుగుచూసింది. బాధితుడిని అభ్యంతరకరంగా ప్రవర్తించేలా చేసిన మహిళ ఆపై ఆ వీడియోను వైరల్ చేస్తానని బెదిరించి రూ 5000 వసూలు చేసింది.
మరోసారి రూ 5000 రాబట్టిన మహిళ మళ్లీ రూ 10,000 ఇవ్వాలని బెదిరించింది. మహిళ తీరుతో విసిగిన బాధితుడు ఖర్ పోలీస్స్టేషన్లో ఫిర్యాదు చేశాడు. పోలీసులు తెలిపిన వివరాల ప్రకారం బాధితుడికి ఫేస్బుక్లో ఇటీవల ఓ మహిళ పరిచయమైంది. ఏప్రిల్ 24న మహిళ తన నెంబర్ను అతడికి ఇవ్వడంతో ఇద్దరూ వాట్సాప్లో చాట్ చేసేవారు.
ఈ క్రమంలో నగ్నంగా మారి మహిళ వీడియో కాల్ చేసి బాధితుడిని అలాగే చేయాలని రెచ్చగొట్టింది. వ్యక్తి అభ్యంతరకర వీడియోను రికార్డు చేసిన మహిళ బాధితుడిని డబ్బు డిమాండ్ చేసింది. మోసపోయానని గ్రహించిన బాధితుడు పోలీసులకు పిర్యాదు చేయడంతో కేసు నమోదు చేసిన పోలీసులు దర్యాప్తు ముమ్మరం చేశారు.