Kawal Tiger reserve forest | కవ్వాల్ అభయారణ్యంలో వన్య ప్రాణుల సంరక్షణకు రాష్ట్ర ప్రభుత్వం, అటవీ శాఖ అధికారులు తీసుకుంటున్న చర్యలు సత్ఫలితాలను ఇస్తున్నాయి. వన్యప్రాణులకు అవసరమైన ఆహారం, నీటిని ఏర్పాటు చేయడంతో పాటు వాటి సంరక్షించేందుకు అటవీ శాఖ అధికారులు చర్యలు తీసుకుంటున్నారు. దీంతో ఇక్కడ వన్యప్రాణులు, పక్షి జాతుల సంఖ్య పెరిగింది.
ఫలితంగా పులుల సంరక్షణ కేంద్రమైన ఈ అభయారణ్యం ఎన్నో రకాల వన్య ప్రాణులు.. ఇంకా ఎన్నో ప్రకృతి రమణీయతలకు నెలవై సందర్శకులకు ఆహ్లాదాన్ని పంచుతుంది. ఇందుకు తాజాగా ఈ అభయారణ్యంలో అక్కడక్కడా ఉంచిన కెమెరాలకు చిక్కిన వన్యప్రాణుల చిత్రాలే నిదర్శనం.