cellulite | ‘సెల్యులైట్..’ అంటేనే మహిళలు వణికిపోతారు. ఆ సమస్య బారినపడితే ధైర్యంగా బయటికి వెళ్లలేరు. మోకాలి నుంచి తుంటి వరకూ చర్మం గుంతలు పడిపోతుంది. నల్లటి చారలు ఏర్పడతాయి. లేజర్ చికిత్స అందుబాటులో ఉన్నా.. దుష్ప్రభావాల భయం. జీవనశైలి మార్పులూ పెద్దగా ఫలితాన్ని ఇవ్వవు. వీరికి ఆముదమే చక్కని పరిష్కారమని అంటున్నారు వైద్యనిపుణులు.
చర్మపు పొర కింద కొవ్వు కణాలు పేరుకు పోవడం వల్ల సెల్యులైట్ ఏర్పడుతుంది. ఫలితంగా చర్మం నల్లటి చారలతో ఇబ్బందికరంగా మారుతుంది. శోషరస పారుదల వ్యవస్థ (లింఫాటిక్ డ్రైనేజ్ సిస్టమ్) శరీరంలో నెమ్మదించినప్పుడు రక్తం నుంచి కణాలకు ఆక్సిజన్ సరఫరా నిలిచిపోతుంది. చర్మం కింద కొవ్వు కణాలు పేరుకుపోతాయి. దీంతో చర్మం ఉబ్బిపోతుంది. యుక్త వయసు తర్వాత మహిళలలో ఈ సమస్య మరీ ఎక్కువగా కనిపిస్తుంది.
ఆముదం నూనె ( castor oil )తో సెల్యులైట్ను వదిలించుకోవచ్చని చెబుతారు వైద్యులు. వివిధ కొవ్వు ఆమ్లాలతో సమృద్ధమైన ఆముదంలో రిసినోలిక్ యాసిడ్ ఉంటుంది. ఇది చర్మంలోకి లోతుగా చొచ్చుకుపోయే సామర్థ్యాన్ని కలిగి ఉంటుంది. చర్మానికి పోషణ కూడా అందిస్తుంది. శోషరస పారుదల వ్యవస్థ బలహీనమైనప్పుడు ఆముదంతో మసాజ్ చేస్తే.. లింఫాటిక్ డ్రైనేజ్ సిస్టమ్ మెరుగుపడి రక్తప్రసరణ సజావుగా సాగుతుంది. చర్మం ఎగుడుదిగుడుగా ఉన్నచోట ఆముదం రాసి, బొటనవేలితో మసాజ్ చేస్తే మంచి ఫలితాలు ఉంటాయంటారు సంప్రదాయ వైద్యులు. లావెండర్ ఆయిల్, లెమన్ ఆయిల్లను జోడిస్తే.. ఆముదం నూనె మరింత సమర్థంగా పనిచేస్తుంది.
“కూరలు, చారుల్లో ధనియాల పొడిని వేసుకుంటే ఇన్ని లాభాలు ఉన్నాయా!!”