టొరంటో: కెనడాలో ఉగాది వేడుకలను ఘనంగా నిర్వహించారు. తెలంగాణ కెనడా అసోసియేషన్ (TCA) ఆధ్వర్యంలో టోరంటోలో జరిగిన ఈ వేకల్లో కెనడా తెలుగు, తెలంగాణ వాసులు పాల్గొన్నారు. ఆన్లైన్ వేదికగా జరిగిన ఈ కార్యక్రమాన్ని టీసీఏ ఉపాధ్యక్షుడు మన్నెం శ్రీనివాస్ ప్రారంభించారు. అనంతరం టీసీఏ అధ్యక్షుడు ఈద రాజేశ్వర్ మాట్లాడుతూ.. ఉగాది పండుగను అత్యంత భక్తి శ్రద్ధలతో జరుపుకుంటూ తెలుగు సంప్రదాయాలను, కట్టు, బొట్టును భావితరాలకు అందజేయడం సంతోషించదగిన విషయం అన్నారు.
ఉత్సవాల సందర్భంగా హైదరాబాద్కు చెందిన ప్రముఖ పండితుడు ధనాలకోట సురేష్ చంద్ర వర్మ పంచాంగ శ్రవణం చేశారు. పండుగ విశిష్టత తెలుసుకునేలా చిన్నారులతో ఉగాది పచ్చడి చేసే విధానాన్ని వివరించారు. ‘గజి బిజీ బడి’ అనే నాటకం, ట్రెండింగ్ రీల్స్, సాంస్కృతిక కార్యక్రమాలు అందరిని ఆకర్షించాయి.
ఈ కార్యక్రమంలో జనరల్ సెక్రటరీ దామోదర్ రెడ్డి, బోర్డ్ ఆఫ్ ట్రస్టీ అధ్యక్షుడు సంతోష్ గజవాడ, కల్చరల్ సెక్రటరీ కవిత తిరుమలాపురం, నవీన్ ఆకుల, శ్రీనివాస్ తిరునగరి, కోటేశ్వర రావు చిత్తలూరి, దేవేందర్ రెడ్డి గుజ్జుల, విజయ్ కుమార్ తిరుమలాపురం, హరి రాహుల్, పభ్రాకర్ కంబాలపల్లి, ప్రకాశ్ చిట్యాల, వెంకట జితేందర్ చక్క, రిషిమా గజవాడ, ఈద శివాని, ఈద వైష్ణవి, తాటి సాయిరామ్, రాహుల్ బాలినేని, మానస ఇనగంటి, ఇతర కార్యవర్గ సభ్యులు, బోర్డు అఫ్ ట్రస్టీ సభ్యులు పాల్గొన్నారు.