అధిక బరువు.. ప్రస్తుత కాలంలో చాలామందిని వేధిస్తున్న సమస్య. బిజీ షెడ్యూల్ కారణంగా చాలామంది వర్కౌట్స్ చేయలేరు. తమకు కనిపించిన డైట్ను ఫాలో అయిపోతుంటారు. ఇది బరువు పెరగడానికి, ఊబకాయానికి దారితీస్తుంది. అయితే ఫిట్గా, ఆరోగ్యంగా ఉండేందుకు రోజువారీ దినచర్యలో శారీరక శ్రమను చేర్చుకోవడం చాలా ముఖ్యం. సమయం దొరకనివాళ్లు, సమయం దొరికినా వ్యాయామం చేసేందుకు బద్ధకించేవాళ్లు బరువును ఈజీగా తగ్గించుకునేందుకు డైటీషియన్ రిచా ఓ చక్కటి సూచన అందించారు.
రిచా తన ఇన్స్టాగ్రాం అకౌంట్లో ఒక నెలలో 5 కిలోల వరకు ఎలా బరువు తగ్గవచ్చనే దానిపై చిట్కాలను పంచుకున్నారు. వాకింగ్కు తక్కువ శ్రమ, పరికరాలు అవసరం లేదని, అనుకున్న బరువును చేరుకోవడంలో ఇది మీకు సహాయం చేస్తుందని రిచా వెల్లడించారు. “బరువు తగ్గేందుకు మనం మంచి ఆహారాన్ని తీసుకోవాలి. శారీరకంగా చురుగ్గా, ఆరోగ్యంగా ఉండాలి. ఎక్కువ సమయం, పరికరాలు లేదా వ్యాయామశాల అవసరం లేని వ్యాయామం ఇది. అధిక మొత్తంలో కేలరీలను బర్న్ చేసి, వేగంగా బరువు తగ్గేందుకు ఇది ఉపయోగపడుతుంది. అని రిచా క్యాప్షన్ ఇచ్చారు.
నడకను రోజువారీ దినచర్యలో భాగం చేసుకోవాలని పోషకాహార నిపుణురాలు రిచా చెప్పారు. ఆమె ప్రకారం, రెగ్యులర్ వాకింగ్ అనేక ఆరోగ్య ప్రయోజనాలను కలిగిస్తుంది. నడక వల్ల వేగంగా బరువు తగ్గడంతోపాటు ఇతర ఆరోగ్య ప్రయోజనాలు కూడా కలుగుతాయి. ఇది ఒక వ్యక్తి చేయగలిగే సులభమైన, అత్యంత తక్కువ ఖర్చుతో కూడుకున్న వ్యాయామాలలో ఒకటి. చాలా మంది క్రమం తప్పకుండా నడవవచ్చు. మరింత చురుగ్గా ఉండడం వల్ల ప్రయోజనాలను పొందవచ్చు. నడక వల్ల బెల్లీ ఫ్యాట్ తగ్గిపోతుంది. వాకింగ్లాంటి ఏరోబిక్ వ్యాయామం క్రమం తప్పకుండా చేస్తే ఊహించని ఆరోగ్య ప్రయోజనాలుంటాయి. ఒక మైలు (1.6 కి.మీ) నడవడం వల్ల దాదాపు వంద కేలరీలు ఖర్చవుతాయి. మీరు ప్రతిరోజూ ఎన్ని అడుగులు నడవాలి? మెరుగైన ఆరోగ్యం, వేగంగా బరువు తగ్గడంకోసం రోజూ పదివేల అడుగులు వేయాలని రిచా సూచిస్తున్నారు.