Visit:
Peddapalli | పెద్దపల్లి రూరల్ నవంబర్ 29 : రెండేండ్ల కాలంగా ఎప్పుడెప్పుడా అని ఎదిరి చూస్తున్న సర్పంచ్‌ల ఎన్నికల సందడి పెద్దపల్లిలో మొదలైంది. ఈ మేరకు అధికారులు అవసరమైన అన్ని ఏర్పాట్లు చేస్తున్నారు. ఇప్పటికే పెద్దపల్లి జిల్లాలో మొదటి దశ ఎన్నికల ప్రక్రియ నడుస్తుండడంతో మూడో దశలో జరుగనున్న పెద్దపల్లి మండలంలోని 30 గ్రామపంచాయతీలలో సర్పంచ్ స్థానాలకు 294 వార్డు స్థానాలకు ఎన్నికలు నిర్వహించేందుకు అధికార యంత్రాంగం సర్వం సిద్దం చేసింది.
పెద్దపల్లి మండలంలోని 30 గ్రామపంచాయతీల్లో సర్పంచ్ స్థానాల్లో 8 జనరల్, 7 జనరల్ మహిళ, 5 బీసీ జనరల్, 4 బీసీ మహిళ, 3 ఎస్సీ జనరల్, 3 ఎస్సీ మహిళ చొప్పున రిజర్వ్ చేశారు. అలాగే జనరల్ 84, జనరల్ మహిళ 63, బీసీ జనరల్ 38 బీసీ మహిళ 37, ఎస్సీ జనరల్ 28 ఎస్సీ మహిళ 27, ఎస్టీ జనరల్ 1 ఎస్టీ మహిళ 1 చొప్పున మొత్తం 294 వార్డులకు నామినేషన్ ల పర్వం మూడో దశలో ప్రారంభం కానుంది. ఎన్నికలకు అధికారులు సిద్దం చేసి పెట్టారు.
30 గ్రామపంచాయతీల సర్పంచ్ స్థానాలకు నామినేషన్ లు వేసేందుకు వీలుగా ఎక్కడికక్కడే గ్రామాల దూరాన్ని పరిగణనలోకి తీసుకుని నామినేషన్ లకు వచ్చే ప్రజలు ఇబ్బందులు పడకుండా 12 నామినేషన్ కేంద్రాలను ఏర్పాటు చేశారు. అప్పన్నపేట నామినేషన్ కేంద్రంలో ( అప్పన్నపేట), చీకురాయి రైతు వేదిక నామినేషన్ కేంద్రంలో (భోజన్నపేట, చీకురాయి,) బొంపల్లి నామినేషన్ కేంద్రంలో (బొంపల్లి, కనగర్తి, కాపులపల్లి), ముత్తారం నామినేషన్ కేంద్రంలో (గౌరెడ్డిపేట, హన్మంతునిపేట, ముత్తారం), కాసులపల్లి నామినేషన్ కేంద్రంలో (కాసులపల్లి, గోపయ్యపల్లి, పాలితం), కొత్తపల్లి నామినేషన్ కేంద్రంలో (కొత్తపల్లి, మూలసాల), రాంపల్లి రైతువేదిక నామినేషన్ కేంద్రంలో (మారెడుగొండ, గుర్రాంపల్లి, రాంపల్లి), పెద్దపకల్వల నామినేషన్ కేంద్రంలో (పెద్దకల్వల,పెద్దబొంకూర్ , నిమ్మనపల్లి), రాఘవాపూర్ రైతువేదిక నామినేషన్ కేంద్రంలో (రాఘవాపూర్ , అందుగులపల్లి) , బ్రాహ్మణపల్లి రైతువేదిక నామినేషన్ కేంద్రంలో (రాగినేడు, కుర్మపల్లి, బ్రాహ్మణపల్లి) , రంగాపూర్ నామినేషన్ కేంద్రంలో (సబ్బితం, రంగాపూర్ , దేవునిపల్లి), తుర్కలమద్దికుంట నామినేషన్ కేంద్రంలో తుర్కలమద్దికుంట, నిట్టూరు) గ్రామాల అభ్యర్థులు నామినేషన్ లు వేసేవిధంగా నామినేషన్ కేంద్రాలను ఏర్పాటు చేశామని, సమీప గ్రామాల అభ్యర్థులు ఆకేంద్రాల్లో తమ నామినేషన్ లు వేయాల్సి ఉంటుందని ఎంపీడీవో కొప్పుల శ్రీనివాస్ తెలిపారు.
