టాలీవుడ్ (Tollywood) ఎనర్జిటిక్ హీరో రామ్ పోతినేని (Ram Pothineni) నటిస్తోన్న లేటెస్ట్ ప్రాజెక్టు ది వారియర్ (The Warriorr). జులై 14న థియేటర్లలో గ్రాండ్గా విడుదల కానుంది. మాస్ ఎంటర్టైనర్గా వస్తున్న ఈ చిత్రానికి కోలీవుడ్ స్టార్ డైరెక్టర్ లింగుస్వామి (Lingusamy) దర్శకత్వం వహిస్తున్నాడు. కాగా ఈ చిత్రం ప్రీ రిలీజ్ బిజినెస్కు సంబంధించిన వార్త ఒకటి ఫిలింనగర్ సర్కిల్లో రౌండప్ చేస్తోంది.
తాజా అప్డేట్ ప్రకారం వరల్డ్ వైడ్గా రూ.37 కోట్లు ప్రీ రిలీజ్ బిజినెస్ చేసిందట. ఇప్పటికే విడుదలైన టీజర్, పాటలు, ట్రైలర్కు అద్బుతమైన రెస్పాన్స్ వస్తోంది. ప్రమోషన్స్ లో బిజీగా ఉంది రామ్ అండ్ టీం. ది వారియర్ ఓపెనింగ్ ఎలా ఉండబోతున్నాయో చూడాలంటున్నారు సినీ జనాలు. ఈ చిత్రానికి రాక్ స్టార్ దేవీ శ్రీ ప్రసాద్ సంగీతం అందిస్తున్నాడు.
ది వారియర్ లో సీనియర్ నటి నదియా కీలక పాత్ర పోషిస్తోంది. తెలుగు, తమిళ ప్రేక్షకులకు సుపరిచితుడైన ఆది పినిశెట్టి విలన్గా నటిస్తున్నాడు. ఈ మూవీని పవన్ కుమార్ సమర్పణలో శ్రీనివాసా సిల్వర్ స్క్రీన్స్ బ్యానర్పై శ్రీనివాసా చిట్టూరి నిర్మిస్తున్నారు. ఈ చిత్రంలో ఉప్పెన ఫేం కృతిశెట్టి, కన్నడ బ్యూటీ అక్షర గౌడ మరో ఫీ మేల్ లీడ్ రోల్స్ లో నటిస్తున్నారు.