మాస్కో: ఇండియాలో సెకండ్ వేవ్కు కారణమై ఇప్పుడు అమెరికా, చైనా, ఆస్ట్రేలియాను వణికిస్తున్న కరోనా వైరస్ డెల్టా వేరియంట్పై స్పుత్నిక్ వి ( Sputnik V ) వ్యాక్సిన్ 83 శాతం సమర్థంగా పని చేస్తున్నట్లు రష్యా ఆరోగ్య మంత్రి మిఖాయిల్ మురష్కో వెల్లడించారు. అసలు కరోనా అన్ని వేరియంట్లపైనా తమ వ్యాక్సిన్ సమర్థంగా పని చేస్తున్నట్లు అటు వ్యాక్సిన్ తయారీదారులు కూడా చెప్పారు. తీవ్రమైన కొవిడ్ నుంచి ఈ వ్యాక్సిన్ 95 శాతం రక్షణ కల్పిస్తున్నట్లు కూడా మిఖాయిల్ తెలిపారు. కరోనా రాకుండా, డెల్టా వేరియంట్ను అడ్డుకోవడంలో స్పుత్నిక్ వి సమర్థంగా పని చేస్తోంది.
తాజా ఫలితాలు ఈ వేరియంట్పై వ్యాక్సిన్ సామర్థ్యం 83 శాతమని తేల్చాయి. ఈ డేటాను క్లినికల్ ట్రయల్స్ నిర్వహించిన మా సహచరులు అందించారు అని మంత్రి మిఖాయిల్ చెప్పారు. కొవిడ్ కారణంగా ఆసుపత్రి పాలుకాకుండా కూడా స్పుత్నిక్ అడ్డుకుంటోందని ఆయన అన్నారు. ప్రపంచంలో కరోనా వైరస్కు తొలి వ్యాక్సిన్గా స్పుత్నిక్ వి.. రష్యా గుర్తింపు పొంది బుధవారంతో సరిగ్గా ఏడాది గడిచింది. ప్రస్తుతం ఈ వ్యాక్సిన్ను ఇండియా సహా 50 దేశాలకు ఎగుమతి చేస్తున్నారు.