Sita Ramam Movie On OTT | ఈ ఏడాది బ్లాక్బాస్టర్ చిత్రాలలో ‘సీతారామం’ ఒకటి. దుల్కర్ సల్మాన్ హీరోగా నటించిన ఈ చిత్రం ఆగస్టు 5న విడుదలై ఘన విజయం సాధించింది. హను రాఘవపూడి దర్శకత్వం వహించాడు. ఇప్పటికే 80కోట్ల మార్క్ను క్రాస్ చేసిన ఈ చిత్రం వంద కోట్ల దిశగా అడుగులు వేస్తుంది. ఇటీవలే ఈ చిత్రాన్ని హిందీలో కూడా విడుదల చేశారు. అక్కడ కూడా సీతారామం అనూహ్య రెస్పాన్స్ను సొంతం చేసుకుంది. ఇప్పటికే ఈ సినిమపై పలువురు టాలీవుడ్ సినీప్రముఖులు చిత్రబృందంపై ప్రశంసలు కురిపించిన విషయం తెలిసిందే. ఈ చిత్రంతో దుల్కర్కు తెలుగులో మంచి మార్కెట్ ఏర్పడింది. సినిమా విడుదలై 25రోజులు దాటుతున్న ఇప్పటికీ కలెక్షన్లు స్టడీగానే ఉన్నాయి. తాజాగా సీతారామం ఓటీటీ రిలీజ్కు సంబంధించిన ఓ వార్త నెట్టింట తెగ వైరల్ అవుతుంది.
ఎప్పుడెప్పుడా అని ప్రేక్షకులు ఎంతగానో ఎదురు చూస్తున్న సీతారామం ఓటీటీ డేట్ వచ్చేసింది. ఈ చిత్రం సెప్టెంబర్ 9 నుండి అమెజాన్ ప్రైమ్లో స్ట్రీమింగ్ కానున్నట్లు తెలుస్తుంది. ఈ సినిమా డిజిటల్ హక్కులను అమెజాన్ సంస్థ భారీ ధరకు కొనుగోలు చేసిందట. స్ట్రీమింగ్ డేట్పై చిత్రబృందం నుండి అధికారిక ప్రకటన రావాల్సి ఉంది. పీరియాడికల్ లవ్ ఎంటర్టైనర్గా తెరకెక్కిన ఈ చిత్రంలో దుల్కర్కు జోడీగా మృనాళ్ థాకూర్ హీరోయిన్గా నటించింది. రష్మిక మందన్న కాశ్మీర్ ముస్లిం అమ్మాయిగా ముఖ్య పాత్రలో నటించింది. సుమంత్, తరుణ్భాస్కర్ కీలకపాత్రల్లో నటించిన ఈ చిత్రాన్ని స్వప్న సినిమాస్ బ్యానర్పై స్వప్న దత్ నిర్మించింది.