Air India | ఎయిరిండియా న్యూ ఓనర్లు టాటా సన్స్కు గట్టి షాక్ తగిలింది. మహారాజకు జవసత్వాలు కల్పించే లక్ష్యంతో చకచకా నిర్ణయాలు తీసుకుంటున్న టాటా సన్స్కు ఎదురుదెబ్బ తాకింది. ఎయిరిండియా న్యూ ఎండీ కం సీఈవోగా టర్కిష్ ఎయిర్లైన్స్ మాజీ చైర్మన్ ఇల్కర్ ఐకీ పేరును గత నెల 14న టాటా సన్స్ ఖరారు చేసింది. కానీ టాటా సన్స్ ఆధ్వర్యంలోని ఎయిరిండియాకు సీఈవో కం ఎండీగా పని చేసేందుకు నిరాకరిస్తున్నట్లు ఇల్కర్ ఐకీ మంగళవారం తెలిపారు. ఈ సంగతిని టాటా సన్స్కు కూడా ధృవీకరించింది.
ఎయిరిండియా సీఈవో కం ఎండీగా ఇల్కర్ ఐకీ నియామకంపై కేంద్ర ప్రభుత్వం అభ్యంతరాలు వ్యక్తం చేసింది. కేంద్ర ప్రభుత్వ అభ్యంతరాలు బయటకు రావడంతో ఇల్కర్ ఐకీ నియామకంపై ఆందోళన వ్యక్తమైంది. దీంతో ఎయిరిండియా న్యూ ఎండీ కం సీఈవోగా మరో వ్యక్తిని నియమిస్తారని భావిస్తున్నారు.
ఎయిరిండియా ఎండీ కం సీఈవో పదవికి తన పేరు ప్రతిపాదనపై ఇల్కర్ ఐకీ రియాక్టయ్యారు. తన నియామకంపై భారత్ మీడియా పలు రకాల వార్తలు రాసిందన్నారు. భారత్లో ఒక సెక్షన్ మీడియా తనకు కొన్ని ఉద్దేశాలు ఆపాదించిందని పేర్కొన్నారు. ఒక వ్యాపారవేత్తగా నైపుణ్య వ్యూహం అమలు చేయడంతోపాటు తన కుటుంబాన్ని సంతోషంగా ఉంచడం ముఖ్యం అని అన్నారు. ఇన్ని అంశాలను పరిగణనలోకి తీసుకున్న తర్వాత మహారాజ సీఈవోగా బాధ్యతల స్వీకరించడం తనకు గౌరవం కాదన్నారు. ప్రస్తుతం టాటా సన్స్కు ఎయిరిండియా, ఎయిర్ ఏషియా, విస్తారా ఎయిర్లైన్స్ ఉన్నాయి.