మాస్కో,జూలై:రష్యాకు చెందిన పరిశోధకులు లాక్టోజ్ లేని పాలిచ్చే ఆవును తయారుచేశారు. మాస్కోలోని స్కోల్కోవో ఇన్స్టిట్యూట్ ఆఫ్ సైన్స్ అండ్ టెక్నాలజీలోని ఎర్నెస్ట్ ఫెడరల్ లైవ్స్టాక్ సైన్స్ సెంటర్ పరిశోధకులు రష్యాలో మొట్టమొదటి క్లోన్ ఆవు దూడను రూపొందించారు. ఈ దూడ 2020 ఏప్రిల్ 10న జన్మించింది. అప్పుడు 63 కిలోగ్రాములు ఉన్నది.శాస్త్రవేత్తలు ఆవుదూడ జన్యువులను విడదీసి,హైపోఆలెర్జెనిక్ పాలను ఉత్పత్తి చేయాలనే లక్ష్యంతో మానవులలో లాక్టోజ్ అలెర్జీకి కారణమయ్యే బీటా-లాక్టోగ్లోబులిన్ను తొలగించగలిగారు. జన్యుపరంగా మార్పులు చేసిన ప్రయోగఫలితాలను ఇటీవల డోక్లాడీ బయోకెమిస్ట్రీ అండ్ బయోఫిజిక్స్ జర్నల్ ల్లో ప్రచురించారు.
ఎర్నస్ట్ ఫెడరల్ సైన్స్ సెంటర్ ఫర్ యానిమల్ హస్బెండరీకి చెందిన గలీనా సింగినా నేతృత్వంలోని బృందం సోమాటిక్ సెల్ న్యూక్లియర్ ట్రాన్స్ఫర్ (ఎస్సిఎన్టి) పద్ధతిని ఉపయోగించి ఆవు దూడను రూపొందించింది. ఈ ఆవుదూడ ను మొదటి సంవత్సరం తన తల్లితో పాటుఉంచారు. మే నెలలో ప్రతిరోజూ పచ్చిక బయళ్ళలో తిరిగే ఇతర ఆవులతో ఉంచారు.14 నెలల తరువాత ఆ దూడ 410 కిలోగ్రాములకు పైగా బరువున్నది. సాధారణ పునరుత్పత్తి చక్రంతో ఆరోగ్యంగా ఉందని పరిశోధకులు చెబుతున్నారు. హైపోఆలెర్జెనిక్ పాలను ఉత్పత్తి చేయాలనే లక్ష్యంతో ఈ ఆవును రూపొందించడం జరిగింది.