టాలీవుడ్ (Tollywood) ఎనర్జిటిక్ యాక్టర్ రామ్ పోతినేని (Ram Pothineni) చేస్తున్న తాజా ప్రాజెక్టు ది వారియర్ (The Warriorr). కోలీవుడ్ స్టార్ డైరెక్టర్ లింగుస్వామి (Lingusamy) డైరెక్షన్లో తెలుగు, తమిళ భాషల్లో వస్తోందీ చిత్రం. రామ్కు జోడీగా ఉప్పెన ఫేం కృతిశెట్టి గా నటిస్తోంది. కాగా ప్రాజెక్టకు సంబంధించిన ఇంట్రెస్టింగ్ విషయమొకటి ఇపుడు నెట్టింట్లో హల్ చల్ చేస్తోంది. అదేంటంటే రామ్ ఇప్పటివరకు సినిమా బిజినెస్లోకి ప్రవేశించలేదు.
కానీ మొదటిసారి ఈ సినిమాతో డిస్ట్రిబ్యూషన్లోకి ఎంట్రీ ఇస్తున్నట్టు ఓ వార్త ఇపుడు ఫిలింనగర్ సర్కిల్లో రౌండప్ చేస్తోంది. సినిమా అవుట్పుట్పై ఆత్మవిశ్వాసంతో ఉన్న రామ్ వైజాగ్ ఏరియా హక్కులను కొనుగోలు చేశాడన్న న్యూస్ టాక్ ఆఫ్ ది టౌన్గా నిలిచింది. తాజా టాక్ ప్రకారం ఆంధ్రప్రదేశ్ పంపిణీ హక్కులకు నిర్మాతలు రూ.18 కోట్లుగా నిర్ణయించగా..వైజాగ్కు సంబంధించిన హక్కులను రూ. 4.35 కోట్లకు దక్కించుకున్నట్టు టాక్ నడుస్తోండగా..దీనిపై క్లారిటీ రావాల్సి ఉంది.
సాధారణంగా సినిమాలు మిగితా ప్రాంతాల్లో ఎలాంటి ఫలితాలు ఇచ్చినా..వైజాగ్ విషయానికొస్తే మాత్రం మంచి ఫలితాలు వస్తుంటాయి. రామ్ వైజాగ్ హక్కులు కొనేందుకు ఇది కూడా ఒక కారణమంటున్నారు ట్రేడ్ పండితులు. ఈ చిత్రంలో కన్నడ భామ అక్షర గౌడ కీ రోల్ పోషిస్తోంది. పవన్ కుమార్ సమర్పణలో శ్రీనివాసా సిల్వర్ స్క్రీన్స్ బ్యానర్పై శ్రీనివాసా చిట్టూరి నిర్మిస్తున్నారు. ఆది పినిశెట్టి సిల్వర్ స్క్రీన్పై మరోసారి విలన్గా కనిపించబోతున్నాడు.
Read Also : Genelia D’Souza | జెనీలియా గ్రాండ్ రీఎంట్రీ..క్రేజీ సినిమా వివరాలివే..!
Read Also : Vishwak Sen | యాక్షన్ కింగ్ డైరెక్షన్లో విశ్వక్సేన్..కాంబో అదిరింది
Read Also : Jr NTR | అవార్డు విన్నింగ్ డైరెక్టర్తో ఎన్టీఆర్..క్రేజీ న్యూస్లో నిజమెంత..!