Prince Movie 3rd Single | కోలీవుడ్కు సమానంగా టాలీవుడ్లో క్రేజ్ సంపాదించుకున్నాడు శివ కార్తికేయన్. ‘డాక్టర్’, ‘డాన్’ వంటి బ్యాక్ టు బ్యాక్ హిట్లతో టాలీవుడ్లో మంచి మార్కెట్ ఏర్పరుచుకున్నాడు. ప్రస్తుతం ఈయన నటించిన ప్రిన్స్ విడుదలకు సిద్ధంగా ఉంది. ‘జాతిరత్నాలు’ ఫేం అనుదీప్ కేవి ఈ చిత్రానికి దర్శకత్వం వహించాడు. ఇప్పటికే చిత్రం నుండి రిలీజైన పోస్టర్లు, ట్రైలర్ సినిమాపై విపరీతమైన అంచనాలు నెలకొల్పాయి. ద్విభాషా చిత్రంగా తెరకెక్కిన ఈ సినిమా దీపావళి కానుకగా అక్టోబర్ 21న విడుదల కానుంది. ఈ క్రమంలో చిత్రబృందం వరుసగా అప్డేట్లను ఇస్తున్నారు.
తాజాగా చిత్రబృందం ఈ సినిమాలోని ‘హూ ఐయామ్ ఐ’ అనే పాటను రిలీజ్ చేశారు. థమన్ స్వర పరిచిన ఈ పాటను దిన్కర్ ఆలపించగా.. రామజోగయ్య శాస్త్రీ సాహిత్యం అందించాడు. ఇప్పటికే రిలీజైన బింబిలిక్కి పిలాపి, జెస్సికా పాటలకు విశేష స్పందన వచ్చింది. రోమ్-కామ్ ఎంటర్టైనర్గా తెరకెక్కిన ఈ చిత్రాన్ని శ్రీ వెంకటేశ్వర సినిమాస్ ఎల్ఎల్పి, సురేష్ ప్రొడక్షన్స్, శాంతి టాకీస్ బ్యానర్లు సంయుక్తంగా నిర్మించాయి. శివ కార్తికేయన్కు జోడీగా మరియా ర్యాబోషప్క హీరోయిన్గా నటించింది. సత్యరాజ్ కీలకపాత్రలో నటించిన ఈ చిత్రానికి థమన్ సంగీతం అందించాడు.