హైదరాబాద్: ఇటీవల ఓ పాము బాలీవుడ్ స్టార్ సల్మాన్ ఖాన్ను కాటు వేసిన విషయం తెలిసిందే. ఇలాంటి ఘటన మరో పాప్ స్టార్కు కూడా ఎదురైంది. పాప్ సింగర్ మేటా ఓ మ్యూజిక్ వీడియో షూట్ చేస్తున్న సమయంలో పాము కాటేసింది. ఇటీవలే ఆ సింగర్ పాప్ స్టార్ జే జెడ్తో ఒప్పందం కుదుర్చుకున్నది. అయితే పాము కాటుకు సంబంధించిన ఫూటేజ్ను తన ఇన్స్టా, ట్విట్టర్లో ఆమె పోస్టు చేసింది. 21 ఏళ్ల స్టార్ సింగర్ మేటా.. ఓ మ్యూజిక్ వీడియో కోసం కార్పెట్పై పడుకుంది. ఇక ఆమె చుట్టూ సర్పాలు నిండిపోయాయి. బ్లాక్ డ్రెస్సులో ఉన్న ఆ సింగర్.. తన ఒంటిపై పాముల్ని వేసుకున్నది. శరీరంపై పాములు పాకుతున్న వీడియోను షూట్ చేస్తున్న సమయంలో ఓ పాము ఆ సింగర్ గదవను కాటేసింది. పాము కాటుతో ఉలిక్కిపడ్డ ఆ సింగర్ వెంటనే తన చేతుల నుంచి పామును పక్కకు తోసేసింది. ఇదంతా కెమెరాకు చిక్కింది. ఇక ఇలాంటి షూటింగ్లు ఎప్పడూ చేయనని ఆమె చెప్పింది. ఇప్పటికే ఆ వీడియోకు 4.8 లక్షల వ్యూవ్స్ వచ్చాయి. షూటింగ్ కోసం విషపూరిత సర్పాలను వాడలేదని తెలిపారు.