విద్యాప్రమాణాలు పెంచాలి:పొన్నం

బీసీల అభివృద్ధికి విద్య ఒక్కటే మార్గమని, అందుకు ప్రథమ ప్రాధాన్యం కల్పించాలని అధికారులను బీసీ సంక్షేమశాఖ మంత్రి పొన్నం ప్రభాకర్‌ ఆదేశించారు. మినిస్టర్‌ క్వార్టర్స్‌లో బీసీ సంక్షేమశాఖ ఉన్నతాధికారులతో మంత్రి పొన్నం శుక్రవారం ప్రత్యేక సమీక్షా సమావేశం నిర్వహించారు. తెలంగాణ రైజింగ్‌-2047 పాలసీలో భాగంగా బీసీ సంక్షేమశాఖకు సంబంధించిన అంశాలపై చర్చించారు.

హైదరాబాద్‌, నవంబర్‌ 28 (నమస్తే తెలంగాణ): బీసీల అభివృద్ధికి విద్య ఒక్కటే మార్గమని, అందుకు ప్రథమ ప్రాధాన్యం కల్పించాలని అధికారులను బీసీ సంక్షేమశాఖ మంత్రి పొన్నం ప్రభాకర్‌ ఆదేశించారు. మినిస్టర్‌ క్వార్టర్స్‌లో బీసీ సంక్షేమశాఖ ఉన్నతాధికారులతో మంత్రి పొన్నం శుక్రవారం ప్రత్యేక సమీక్షా సమావేశం నిర్వహించారు. తెలంగాణ రైజింగ్‌-2047 పాలసీలో భాగంగా బీసీ సంక్షేమశాఖకు సంబంధించిన అంశాలపై చర్చించారు.

విద్యకు ప్రథమ ప్రాధాన్యం కల్పించేలా, సామాజిక ఆర్థిక పురోగతికి చోదకంగా, ప్రపంచవ్యాప్తంగా పోటీతత్వాన్ని ఎదురొనేలా ప్రణాళికలు రూపొందించాలని ఆదేశించారు. పాఠశాల నుంచే ఆర్థిక, డిజిటల్‌ అక్షరాస్యత, వ్యవస్థాపకతను పరిచయం చేసేలా విధానాలు ఉండాలని సూచించారు. సమీక్షలో బీసీ సంక్షేమశాఖ ప్రిన్సిపల్‌ సెక్రటరీ శ్రీధర్‌, గురుకుల సెక్రటరీ సైదులు, బీసీ సంక్షేమశాఖ అడిషనల్‌ డైరెక్టర్‌ అలోక్‌కుమార్‌, ఇతర అధికారులు పాల్గొన్నారు.