Milk | సోయా, బాదం, ఓట్స్, బియ్యం, కొబ్బరి, బఠానీ.. తదితర పదార్థాల నుంచి కూడా పాలు తయారు చేస్తున్నారు. మార్కెట్ కూడా బాగానే ఉంది. గతంతో పోలిస్తే నాన్ డెయిరీ ఉత్పత్తుల గిరాకీ 54 శాతం పెరిగిందని అంచనా. వివిధ ఆహార పదార్థాలను నానబెట్టి, బాగా రుబ్బి, వడగట్టి తీసే ద్రవాన్నే ‘పాలు’ అని పిలుస్తున్నారు. వాటిలోని పోషకవిలువల విషయంలో భిన్నాభిప్రాయాలు ఉన్నాయి.
అత్యంత ప్రజాదరణ పొందిన ప్లాంట్ బేస్డ్ మిల్క్ ఇది. ఒక కప్పు బాదం పాలలో 37 కేలరీలు మాత్రమే ఉంటాయి. సాధారణ పాలతో పోలిస్తే ఇది పావువంతే. ప్రొటీన్ పరంగా చూస్తే.. కప్పు పాలలో 8 గ్రాముల ప్రొటీన్ ఉంటే, బాదం పాలలో ఒక గ్రాము మాత్రమే ఉంటుంది.
ఒక కప్పు ఓట్స్ పాలలో 2 గ్రాముల ఫైబర్ ఉంటుంది. సాధారణ పాలతో పోలిస్తే ఇది తక్కువే. ఫైబర్ పెంచుకోవాలనుకుంటే ఓట్స్ ధాన్యమే ఉత్తమం. ఓట్స్ పాలతో పోలిస్తే.. ఓట్స్
ధాన్యంలో రెండు రెట్లు ఫైబర్ లభిస్తుంది. కొలెస్ట్రాల్, బ్లడ్ షుగర్, ఊబకాయం నియంత్రణలో ఓట్స్ ఫైబర్ సహకరిస్తుంది.
అన్ని విధాలా ఆవుపాలకు సమానం. పోషకాల పరంగాను సరిసాటిగా నిలుస్తాయి. ఒక కప్పు సోయా పాలలో 6 గ్రాముల ప్రొటీన్, 105 కేలరీలు, 89 శాతం మంచి కొవ్వు ఉంటాయి. క్యాల్షియం, విటమిన్-ఎ, డి లభిస్తాయి.
తురిమిన కొబ్బరి నుంచి తీసే ఈ పాలలో సహజంగానే తీపిశాతం ఎక్కువ. కప్పు కొబ్బరి పాలలో 0.5 గ్రాముల ప్రొటీన్, 5 గ్రాముల శాచురేటెడ్ ఫ్యాట్ ఉంటాయి. అయితే, ఇది చెడు కొలెస్ట్రాల్ పెరిగేందుకు దోహదపడుతుందని అధ్యయనాలు నిరూపించాయి.
బఠానీ పాలలో ప్రొటీన్ అధికం (కప్పునకు 8 గ్రాములు). ఇక బ్రౌన్ రైస్ నుంచి తయారయ్యే పాలు సహజంగానే తీయగా ఉంటాయి. వీటిలో కేలరీలు తక్కువ.
ప్రొటీన్లు, క్యాల్షియం, పొటాషియం విటమిన్- బి, ఎ, డి సహజసిద్ధంగా ఉంటాయి. పైగా ఆరోగ్యానికి చాలా మంచివి. ఆవు పాలనుంచి మీగడ, వెన్న, పనీర్ వంటి ఉప ఉత్పత్తుల తయారీ చాలా సులభం. మొక్కల నుంచి తీసిన పాలతో ఆ వెసులుబాటు తక్కువే.
“గాడిద పాలు ఆరోగ్యానికి మంచివేనా ? వాటికి ఎందుకంత డిమాండ్ ?”