కెరీర్లో స్లో అండ్ స్టడీగా ముందుకు సాగుతున్న నాగ చైతన్య రీసెంట్గా లవ్ స్టోరీ చిత్రంతో పెద్ద హిట్ కొట్టాడు. తన కెరీర్లోనే మంచి హిట్ చిత్రంగా ఈ మూవీ నిలిచింది. ఇక చైతన్య తొలి సారి లాల్ సింగ్ చద్దా అనే హిందీ చిత్రంలో నటించగా, ఈ చిత్ర షూటింగ్ ఇప్పటికే పూర్తి అయింది. ఈ ఏడాది డిసెంబర్ లో క్రిస్మస్ కానుకగా విడుదల చేయబోతున్నట్లుగా ప్రకటించారు. కాని ఏమైందో ఏమో వచ్చే ఏడాది ఫిబ్రవరిలో సినిమాను విడుదల చేయబోతున్నట్లుగా కొత్త విడుదల తేదీని చిత్ర యూనిట్ సభ్యులు ప్రకటించారు.
క్రిస్మస్కు పోటీ ఎక్కువ ఉన్న నేపథ్యంలోనే మేకర్స్ ఈ నిర్ణయం తీసుకున్నట్టు తెలుస్తుంది. క్రిస్మస్ కు 83.. జెర్సీ.. సర్కస్ ఇంకా కొన్ని చిత్రాలు విడుదల కు సిద్దం అవుతున్నాయి. అందుకే లాల్ సింగ్ చద్దా సినిమాను పోటీ లేని ఫిబ్రవరిలో విడుదల చేయాలని నిర్ణయించారట. ఫిబ్రవరిలో సినిమాను విడుదల చేయడం ద్వారా ఎలాంటి ఇబ్బంది ఉండదని అమీర్ ఖాన్ భావిస్తున్నాడట. ఇదిలా ఉంటే నాగ చైతన్య ప్రస్తుతం థ్యాంక్యూ, బంగార్రాజుతో పాటు విక్రమ్ కుమార్ డైరెక్షన్ లో రూపొందనున్న వెబ్ సిరీస్తో బిజీగా ఉన్నాడు.