ముంబై : మహారాష్ట్రలోని నాగపూర్లో దారుణ ఉదంతం వెలుగుచూసింది. గతంలో రికార్డు చేసిన వీడియోను చూపి బెదిరించి బాలికపై ఆమె బాయ్ఫ్రెండ్ మరో ఇద్దరు సహచరులు సామూహిక లైంగిక దాడికి పాల్పడ్డారు. నాగపూర్లోని జరిపట్క ప్రాంతానికి చెందిన బాధితురాలు బుటిబోరి ప్రాంతంలో ఓ ఇంటిని అద్దెకు తీసుకుని ఫ్రెండ్తో కలిసి ఉంటోంది.
ఇంజనీరింగ్ కాలేజ్లో చదువుతున్న విద్యార్ధినికి అదే క్లాస్కు చెందిన యష్ ఆనంద్ కాంబ్లేతో పరిచయం ఏర్పడింది. ఆపై ఇద్దరూ సన్నిహితంగా మెలుగుతున్నారు. ఈ క్రమంలో ఇద్దరూ కలిసి ఉన్న సమయంలో బాయ్ఫ్రెండ్ కాంబ్లే అభ్యంతరకర దృశ్యాలను రికార్డు చేశాడు. ఇక ఏప్రిల్ 17న నిందితుడు మరో ఇద్దరు స్నేహితులతో కలిసి గర్ల్ఫ్రెండ్ను తన ఇంటికి పిలిపించాడు.
ఆ సమయంలో గతంలో రికార్డు చేసిన వీడియోను ఆమెకు చూపి తన ఇద్దరు స్నేహితులు బిట్టు, చికు సహా తన కోరిక తీర్చాలని లేకుంటే ఆ వీడియోను బహిర్గతం చేస్తానని బెదిరించాడు. ఆపై ముగ్గురూ బాధితురాలిపై సామూహిక లైంగిక దాడికి తెగబడ్డారు. నిందితులపై బాలిక పోలీసులకు ఫిర్యాదు చేయడంతో కేసు నమోదు చేసిన పోలీసులు ముగ్గురు నిందితులను అరెస్ట్ చేశారు.