‘ఆహా’ ఓటీటీలో విడుదలైన ‘సేనాపతి’ చిత్రంపై మెగాస్టార్ చిరంజీవి అభింనదల వర్షం కురిపించారు. ఈ చిత్రం నిర్మించిన కుమార్తె సుస్మిత కొణిదెల, విష్ణును మెచ్చుకున్నారు. ఇలాంటి మంచి సినిమా తీసినందుకు కంగ్రాట్స్ అంటూ ట్విట్టర్ వేదికగా అభినందించారు. పవన్ సాదినేని తెరకెక్కించిన సేనాపతి సినిమాలో ‘నటకిరీటి’ రాజేంద్రప్రసాద్ టైటిల్ రోల్ పోషించారు.
ఈ సినిమాను చూసిన మెగాస్టార్ చిరంజీవి.. ‘‘సేనాపతి సినిమా చూశాను. యువదర్శకుడు పనవన్ సాదినేని ఈ చిత్రాన్ని ఆసక్తికరంగా, ఉత్కంఠభరితంగా తెరకెక్కించాడు. మంచి అభిరుచికి అద్దంపట్టే చిత్రాన్ని నిర్మించిన యువనిర్మాతలు సుష్మిత కొణిదెల, విష్ణులకు నా ప్రేమాభినందనలు’’ అని అన్నారు. ఈ చిత్రాన్ని నిర్మించిన ప్రొడక్షన్ కంపెనీ గోల్డ్బాక్స్ బృందాన్ని అభినందించారు.
ఆహాలో విడుదలైన ఈ చిత్రం ప్రేక్షుల ప్రేమాభినందనలు పొందాలని కోరుకున్నారు. అలాగే రాజేంద్రప్రసాద్ ఇదివరకెన్నడూ చేయని వినూత్న పాత్రలో కనిపించారని, ఆయన నటన అద్భుతమని కొనియాడారు.