మద్యం సేవించి వాహనాలు నడపడం నేరం. ప్రపంచంలో ఏ మూలకు వెళ్లినా ఇలాంటి ప్రమాదాల వల్ల ఎవరో ఒకరిని కోల్పోయిన కుటుంబాలు ఉంటాయి. అలాంటి వారిని పరామర్శించి, మద్యం సేవించి వాహనాలు నడపొద్దని చెప్పిందా మేయర్. ఆ తర్వాత కాసేపటికే ఫుల్లుగా మందుకొట్టి కారు నడుపుతూ మరో యాక్సిడెంట్ చేసింది. ఈ ఘటన ఆస్ట్రేలియాలో వెలుగు చూసింది.
రెడ్ల్యాండ్ సిటీ మేయర్ కారెన్ విలిమయ్స్.. డ్రంకెన్ డ్రైవింగ్ బాధిత కుటుంబాలను పరామర్శించింది. ఆ తర్వాత కాసేపటికి ఎక్కడికో వెళ్తూ రోడ్డు పక్కనే ఉన్న చెట్టును కారుతో ఢీకొట్టేసింది. విషయం తెలిసి అక్కడకు వచ్చిన పోలీసులకు తాను కొన్ని గ్లాసుల వైన్ తాగినట్లు చెప్పింది. ఆ మత్తులోనే ప్రమాదం జరిగిందని పోలీసులు తెలిపారు. ప్రస్తుతానికి ఈ విషయంపై దర్యాప్తు జరుగుతోందని, మేయర్పై ఎలాంటి కేసు ఇంకా పెట్టలేదని సమాచారం.