-పదబంధం
జానపదుల పలుకుబడులను ఒడిసిపట్టుకున్న ముఖ్యమంత్రి కేసీఆర్ అప్పుడప్పుడూ ప్రతిపక్షాలను ఉద్దేశించి.. ‘మా జోలికొస్తే నశం నశం జేస్తాం. దుమ్ముదుమ్మైపోతరు’ అంటూ హెచ్చరిస్తుంటారు. నశం (నశ్యం) అంటే సూక్ష్మాతి సూక్ష్మమైన పొడి. ‘వస్త్రగాలితం అందుకో బేటా.. పసుపు నశం తియ్యాలె’ అనే పదబంధంలోని ‘వస్త్రగాలితం’ గురించి నేటి తరానికి తెలియకపోవచ్చు. యంత్ర పరికరాలు లేని కాలంలో పసుపు, ధనియాలు, మసాలా దినులసులను నశం (పొడి) చెయ్యడానికి ఓ సన్నటి వస్ర్తాన్ని ఉపయోగించేవారు. దినుసులను ఆ వస్త్రంలో వేసి వడపోసేవారు. వస్త్ర అంటే బట్ట/గుడ్డ. గాలితం అంటే గాలించడం/వడపోయడం.. వస్త్రం నుంచి వడకట్టినది అని అర్థం. ప్రాంతాన్ని బట్టి అస్త్రగాలం/ వస్త్రగాతం/అత్రగాలం/ వస్త్రగాలితం అని పిలుచుకుంటారు.