బర్మింగ్హామ్: నోబెల్ శాంతి బహుమతి గ్రహీత మలాలా యూసఫ్జాయ్ (Malala Yousafzai) సరికొత్త జీవితాన్ని ప్రారంభించారు. అస్సర్ మాలిక్ అనే యువకుడితో యూసఫ్జాయ్ వివాహ వేడుక నిరాడంబరంగా జరిగింది. బర్మింగ్హామ్లోని తన నివాసంలో కుటుంబ సభ్యుల సమక్షంలో మాలిక్ను నిఖా (Nikkah) చేసుకున్నారు. ఈ మేరకు ఆమె సామాజిక మాధ్యమాల ద్వారా ప్రకటించారు.
‘ఈ రోజు నా జీవితంలో ఎంతో ముఖ్యమైనది. అస్సర్, నేను జీవిత భాగస్వాములమయ్యాం. బర్మింగ్హమ్లోని మా ఇంట్లో ఇరు కుటుంబాల సమక్షంలో నిరాడంబరంగా నిఖా వేడుకను నిర్వహించాం. మాకు మీ ఆశీస్సులు పంపించండి. భార్యభర్తలుగా కొత్త ప్రయాణం కలిసి సాగించడానికి సంతోషంగా ఉన్నాం’ అని ట్విటర్లో పోస్టు చేశారు. తన నిఖా వేడుకకు సంబంధించిన ఫొటోలను అందులో ఉంచారు.