Vikram Movie | ఇండియాస్ మోస్ట్ యాంటిసిపేటెడ్ మూవీస్లో ‘విక్రమ్’ ఒకటి. విశ్వనటుడు కమల్ హాసన్ హీరోగా నటించిన ఈ చిత్రానికి లోకేష్ కనగరాజ్ దర్శకత్వం వహించాడు. భారీ యాక్షన్ ఎంటర్టైనర్గా తెరకెక్కిన ఈ చిత్రంలో విజయ్ సేతుపతి, ఫాహద్ ఫాజిల్ వంటి స్టార్ హీరోలు నటించడంతో ప్రేక్షకులలో భారీ అంచనాలు నెలకొన్నాయి. ఈ చిత్రం జూన్ 3న గ్రాండ్గా విడుదల కానుంది. ఈ క్రమంలో చిత్రబృందం ప్రమోషన్లను జోరుగా జరుపుతుంది. ప్రమోషన్లలో భాగంగా మేకర్స్ పలు విషయాలను వెల్లడిస్తూ ప్రేక్షకులలో ఆసక్తిని క్రియేట్ చేస్తున్నారు.
తాజాగా లోకేష్ కనగరాజ్ చిత్రం గురించి పలు ఇంట్రెస్టింగ్ విషయాలను వెల్లడించాడు. కమల్ ఈ చిత్రంలో రిటైర్డ్ పోలీస్ ఆఫీసర్గా కనిపించనున్నట్లు తెలిపాడు. ఈ చిత్రం కూడా ఖైదీ తరహాలోనే ఒక రాత్రి జరిగే కథ అని తెలిపాడు. దాంతో ఈ చిత్రంపై ప్రేక్షకులలో తీవ్ర ఆసక్తి నెలకొంది. సూర్య గెస్ట్ రోల్లో కనిపించనున్న ఈ చిత్రానికి అనిరుధ్ రవిచంద్రన్ సంగీతం అందించాడు. రాజ్ కమల్ ఫిలింస్ ఇంటర్నేషనల్ బ్యానర్పై ఆర్. మహేంద్రన్తో కలిసి కమల్ స్వీయ నిర్మాణంలో ఈ చిత్రాన్ని తెరకెక్కించాడు.