తుమ్కూరు: కర్ణాటకలో శక్తివంతమైన లింగాయత్ మఠాధిపతులు ముఖ్యమంత్రి బీఎస్ యెడియూరప్పకు మద్దతుగా నిలిచారు. ఆయన పూర్తికాలం ముఖ్యమంత్రి పీఠంపై ఉండేలా చూడాలని, ఆయన ప్రభుత్వానికి ఎలాంటి అడ్డంకులు సృష్టించవద్దని వారు రాష్ట్ర బీజేపీ నాయకులకు సూచించారు. అందిన సమాచారం మేరకు, రానున్న రెండేండ్ల పాటు రాష్ట్ర ముఖ్యమంత్రిగా యెడ్డీనే కొనసాగించాలని దాదాపు డజను మంది లింగాయత్ పీఠాధిపతులు బీజేపీ నాయకత్వానికి విజ్క్షప్తి చేశారు. యెడియూరప్ప కర్ణాటకలో శక్తివంతమైన లింగాయత్ సమాజానికి చెందినవాడు. ఆయన పదవీకాలం పూర్తయ్యేంత వరకు ఆయనను వేధించవద్దని ఈ పీఠాధిపతులు హెచ్చరించారు.
రాష్ట్రంలో నాయకత్వ మార్పుపై వస్తున్న ఊహాగానాలకు స్వస్తి పలుకుతూ బీజేపీ జాతీయ ప్రధాన కార్యదర్శి అరుణ్సింగ్ ప్రకటన చేసిన లింగాయత్ పీఠాధిపతుల నుంచి ఈ ప్రకటన వెలువడింది. అరుణ్ సింగ్ వ్యాఖ్యలను అనుసరించి యెడియూరప్ప కూడా రానున్న రెండేండ్ల పాటు తానే ముఖ్యమంత్రిగా ఉంటానని నొక్కి చెప్పారు. బీజేపీ హైకమాండ్ తనపై చూపిన నమ్మకం వల్ల తన బాధ్యత మరింత పెరిగిందని 78 ఏండ్ల లింగాయత్ నాయకుడైన యెడియూరప్ప అన్నారు. తుమ్కూరులోని శ్రీషాదక్షర బ్రుహన్మథ ఆధ్వర్యంలో జరిగిన సమావేశంలో 12 మంది లింగాయత్ పీఠాధిపతులు హాజరై తమ సామాజిక వర్గానికి చెందిన యెడియూరప్పకు మద్దతుగా నిలిచారు.
కర్ణాటకలో బీజేపీ పట్టు సాధించడానికి యెడియూరప్ప ప్రధాన కారణమని పీఠాధిపతులు చెప్పారు. అయితే, తరచుగా వేధింపులకు గురవుతుండటం సహించరానిదన్నారు. ముఖ్యమంత్రిని ఇబ్బంది పెట్టడం మానేసి అతడితో సహకరించడం ప్రారంభిస్తే మరింత ముందుకెళ్లవచ్చు అని వారు సూచించారు. యెడియూరప్పను ముఖ్యమంత్రి పీఠం నుంచి తొలగించేందుకు ఆయన వయసు గురించి పదే పదే వ్యాఖ్యలు చేస్తున్నారని, తమిళనాడులో కరుణానిధి ఎలా పాలించారో గుర్తెరగాలని వారన్నారు. ఇలాంటి వ్యాఖ్యలు చేస్తున్నవారు ఆయన కర్ణాటకలో 100 సీట్ల మార్కు సాధించేందుకు అహోరాత్రాలు ఎలా కష్టించారో ఒకసారి గుర్తుచేసుకుంటే బాగుంటుదని వారు హితవు పలికారు.
అమెజాన్ అండ : ఇంజినీరింగ్ విద్యార్థులకు మెషిన్ లెర్నింగ్ స్కిల్స్
క్లాట్ 2021 : పరీక్ష తేదీని ప్రకటించిన కన్సార్టియం
ఏనుగుల దాడి : జైలులో గ్రామస్థుల బస
కొత్త అలారం : 15 నిమిషాల్లో కరోనా గుర్తింపు..!
గైర్హాజరు ఎందుకో : బెంగాల్ బీజేపీలో ముదురుతున్న సంక్షోభం
చరిత్రలో ఈరోజు : గల్వాన్ వీరులకు వందనం
గోర్లను చూసి డయాబెటిస్ ఉందా లేదా గుర్తించొచ్చు.. అదెలానో మీరూ తెలుసుకోండి.!
తాజా వార్తల కోసం నమస్తే తెలంగాణ ఫేస్బుక్ , ట్విటర్, టెలిగ్రామ్ ను ఫాలో అవండి..