గత వారం థియేటర్లలో అల్లూరి, దొంగలున్నారు జాగ్రత్త, కృష్ణ వ్రింద విహారి విడుదలయ్యాయి. అయితే వీటిలో మొదటి రెండు చిత్రాల ఫలితం బాక్సాఫీస్ వద్ద ఆశాజనకంగా లేదు. ఈ మూడింటిలో నాగశౌర్య నటించిన కృష్ణ వ్రింద విహారి (Krishna Vrinda Vihari) మాత్రం మంచి టాక్తో ప్రదర్శించబడుతోంది. ఈ చిత్రంతో న్యూజిలాండ్ సింగర్, నటి షిర్లే సెటియా (Shirley Setia) టాలీవుడ్కు పరిచయమైంది. కొత్తగా విడుదలైన సినిమాల్లో ఈ సినిమా ఉత్తమ కలెక్షన్లు రాబడుతోందని ట్రేడ్ పండితుల అంచనా.
బాక్సాఫీస్ వద్ద కృష్ణ వ్రింద విహారి తొలి రోజు వసూళ్ల కంటే రెండో రోజు ఎక్కువగా రాబట్టినట్టు ఇప్పటికే ఓ అప్డేట్ అందించారు మేకర్స్. కాగా తాజాగా యూఎస్ఏ బాక్సాఫీస్ కలెక్షన్ల అప్డేట్ బయటకు వచ్చింది. లేటెస్ట్ సమాచారం ప్రకారం ఈ చిత్రం ఇప్పటివరకు రూ.కోటికిపైగా వసూళ్లు రాబట్టినట్టు ట్రేడ్ సర్కిల్ టాక్.
రోజుల వారిగా కలెక్షన్ల వివరాలు..
గురువారం : 13,16,550.46
శుక్రవారం : 32,55,004.66
శనివారం : 36,07,791.91
ఆదివారం : 17,94,109.90
మహతి స్వరసాగర్ (Mahati Swara Sagar) మ్యూజిక్ డైరెక్టర్గా పనిచేసిన ఈ చిత్రాన్ని నాగశర్య హోం ప్రొడక్షన్స్ ఐరా క్రియేషన్స్ బ్యానర్ (Ira Creations) పై ఉషా మల్పూరి తెరకెక్కించారు. అనిష్ ఆర్ కృష్ణ దర్శకత్వం వహించిన ఈ చిత్రంలో రాధికాశరత్ కుమార్, అన్నపూర్ణమ్మ, రాహుల్ రామకృష్ణ, వెన్నెల కిశోర్, సత్య కీలక పాత్రలు పోషించారు.