సగర్వంగా ఎగురుతున్నది
మన మువ్వన్నెల పతాక,
నలు దిక్కుల వినిపించగ
ఘన స్వాతంత్య్ర గీతిక!
దేశ మాత సంకెళ్లు తెంచిన
త్యాగధనుల స్ఫూర్తి కలిక,
విశ్వమంతా పంచుతున్నది
స్నేహ సుగంధాల మల్లిక!
నింగిలోన ఎగురుతున్న
జెండా రెపరెపల వీచిక,
ఉరికొయ్యల మీద వదిలిన
కొన ఊపిరుల ప్రతీక !
దేశ సీమలను కాపాడు
సిపాయిల ధీర నమ్మిక,
దురాక్రమణదారుల పాలిట
దునుమాడే అపరకాళిక!!
దేశవాసుల భిన్నత్వంలో
ఏకత్వానికి అవతారిక,
విచ్ఛిన్నకర ఆలోచనలకు
వినాశకరమైన హెచ్చరిక!
చిన్నారుల పసి మనసుల్లో
దేశభక్తి పెంచే తీయని గుళిక,
నిరతము మనము గౌరవిస్తే
నిలబడు జాతీయ పతాక!!
– దుడుక వెంకటేశ్వర్లు , 9492907386