శ్రీనగర్ : జమ్మూకశ్మీర్ కుప్వారాలో పోలీసులు భారీగా ఆయుధాలు, మందుగుండు సామగ్రిని స్వాధీనం చేసుకున్నది. హజామ్ మొహల్ల వద్ద సైన్యంతో కలిసి జమ్మూకశ్మీర్ పోలీసులు సంయుక్తంగా సెర్చ్ ఆపరేషన్ నిర్వహించారు. స్వాధీనం చేసుకున్న వాటిలో 10 పిస్టల్స్, 17 పిస్టల్ మ్యాగజైన్లు, 54 పిస్టల్ రౌండ్లు, ఐదు గ్రెనేడ్లు ఉన్నాయని పోలీసులు కాశ్మీర్ జోన్ పోలీసులు ట్వీట్ చేశారు. ఇందుకు సంబంధించి మరిన్ని వివరాలు తెలియాల్సి ఉన్నది.
ఇదిలా ఉండగా.. ఆదివారం తెల్లవారు జామున జమ్మూకశ్మీర్ పోలీసులు సైన్యంతో కలిసి హంద్వారాలో ఓ వ్యక్తిని అరెస్టు చేశారు. అతని వద్ద ఒక చైనీస్ పిస్టల్, రెండు పిస్టల్ మ్యాగజైన్లు, 9 ఎంఎం 13 లైవ్ రౌండ్లు, మొబైల్ ఫోన్ను స్వాధీనం చేసుకున్నారు. ఇదిలా ఉండగా.. వారం రోజుల కిందట అనంతనాగ్ పోలీసులు ఒక షార్ట్ బ్యారెల్ ఏకే-56, రెండు ఏకే మ్యాగ్, రెండు పిస్టల్స్, మూడు పిస్టల్ మ్యాగ్, ఆరు హ్యాండ్ గ్రెనేడ్లు తదితర ఆయుధాలను స్వాధీనం చేసుకున్నారు.