ప్రపంచ క్రికెట్లో సౌతాఫ్రికా వెటరన్ ఏబీ డివిలియర్స్ గురించి తెలియని వారుండరు. ‘మిస్టర్ 360 డిగ్రీస్’ అని అభిమానులు పిలుచుకునే ఈ ప్లేయర్.. ఎలాంటి క్లిష్ట తరమైన స్టేజ్ నుంచి అయినా జట్టును గెలిపించగల సమర్ధుడు. అచ్చం అలాగే బ్యాటింగ్ చేశాడంటూ భారత యువ ఆటగాడు సూర్యకుమార్ యాదవ్పై టీమిండియా మాజీ కెప్టెన్, కోచ్ అయిన రవిశాస్త్రి ప్రశంసలు కురిపించాడు.
79 పరుగులకే ఆరు వికెట్లు కోల్పోయి కష్టాల్లో పడిన జట్టును సూర్య ఆదుకున్నాడు. ఆరు సిక్సర్ల సాయంతో 41 బంతుల్లో 72 పరుగులు చేసి జట్టుకు పోరాడగలిగే స్కోరు అందించాడు. ఇదే విషయాన్ని ప్రస్తావించిన రవిశాస్త్రి..
‘‘అతను ఆడిన షాట్లు, మణికట్టు వాడుకున్న విధానం, ఫీల్డింగ్లో గ్యాప్లు వెతికిన తీరు.. మంచి ఫామ్లో ఉన్నప్పుడు ఏబీ డివిలియర్స్ అలాగే ఆడేవాడు. అలాంటి ఆటగాళ్లు దొరకడం చాలా అరుదు. ప్రస్తుతం డివిలియర్స్ తర్వాత.. బట్లర్, సూర్య మాత్రమే ఉన్నారు. అలాంటి ప్రపంచ స్థాయి ఆటగాళ్ల జాబితాలో సూర్య కూడా ఉంటాడు’’ అని మెచ్చుకున్నాడు.