పనాజీ : భర్తతో కలిసి విహార యాత్ర కోసం వచ్చిన బ్రిటన్ మహిళపై నార్త్ గోవాలోని అరంబల్ స్వీట్ వాటర్ బీచ్ వద్ద లైంగిక దాడికి పాల్పడిన వ్యక్తి ఉదంతం వెలుగుచూసింది. గత వారం ఈ దారుణం చోటుచేసుకోగా ఘటనకు సంబంధించి 32 ఏండ్ల వ్యక్తిని పోలీసులు అరెస్ట్ చేశారు.
జూన్ 2న మధ్యవయస్కురాలైన బ్రిటన్ మహిళ బీచ్లో సేదతీరుతుండటం గమనించిన నిందితుడు ఆమెను లైంగిక వేధింపులకు గురిచేశాడు. నిందితుడిపై బాధితురాలు సోమవారం ఫిర్యాదు చేయడంతో పోలీసులు అతడిని అరెస్ట్ చేశారు. నిందితుడి అదే ప్రాంతానికి చెందిన వ్యక్తిగా గుర్తించారు. నిందితుడిని సత్వరమే అదుపులోకి తీసుకున్నామని కేసు నమోదు చేసి దర్యాప్తు ముమ్మరం చేశామని పోలీసులు తెలిపారు.