Hero Moto Vs Honda | ఇప్పటి వరకు దేశంలో టూ వీలర్స్ మార్కెట్లో పవన్ ముంజాల్ సారధ్యంలోని హీరో మోటో కార్ప్దే పై చేయి. కానీ పరిస్థితులు తారుమారవుతున్నట్లు కనిపిస్తున్నది. గత నెలలో జరిగిన మోటార్ బైక్స్, స్కూటర్ల సేల్స్లో హీరో మోటో కార్ప్ను హోండా మోటార్ సైకిల్స్ అండ్ స్కూటర్ ఇండియా (హెచ్ఎంఎస్ఐ) దాటేసింది. ప్రపంచవ్యాప్తంగానే అత్యధికంగా బైక్స్, స్కూటర్లు అమ్ముడైన సంస్థ హీరో మోటో చరిత్రలో తొలిసారి వెనుక బడింది. కేంద్ర ప్రభుత్వ రవాణాశాఖ వెబ్సైట్ వాహన్ విడుదల చేసిన టూ వీలర్స్ రిటైల్ సేల్స్ గణాంకాలు ఈ సంగతి చెబుతున్నాయి.
సెప్టెంబర్లో హోండా మోటార్ సైకిల్ అండ్ స్కూటర్ లిమిటెడ్ (హెచ్ఎంఎస్ఎల్) 2,85,400 బైక్స్, స్కూటర్లు విక్రయిస్తే.. హీరో మోటో కార్ప్ 2,51,939 యూనిట్లకు పరిమితమైంది. రెండు సంస్థల మధ్య 33,461 బైక్స్ అండ్ స్కూటర్స్ తేడా ఉంది. ఆంధ్రప్రదేశ్, మధ్యప్రదేశ్, లక్ష్యద్వీప్, తెలంగాణ మినహా దేశంలోని 1441 ఆర్టీవోలకు 1339 ఆర్టీవోల పరిధిలో వాహనాల సేల్స్.. వాహన్ వెబ్సైట్లో అప్డేట్ అవుతాయి.
ఇప్పటి వరకు దేశీయ టూ వీలర్స్ మార్కెట్లో హీరో మోటో కార్ప్దే పెత్తనం. సెప్టెంబర్లో మాత్రం హీరో మోటోను హెచ్ఎంఎస్ఎల్ దాటేసింది. ప్రస్తుత ఆర్థిక సంవత్సరం మొదలైనప్పటి నుంచి టూ వీలర్స్ సేల్స్ గమనిస్తే.. గత మే నెలలో రెండు సంస్థల మధ్య తేడా 1,70,757 యూనిట్లు ఉంటే.. తర్వాత ఆ వ్యత్యాసం క్రమంగా తగ్గిపోయింది. జూన్లో లక్ష దిగువకు, జూలైలో 53,356, ఆగస్టులో 20,658 యూనిట్లకు దిగి వచ్చింది.
నెల ————- హీరో మోటో——- హెచ్ఎంఎస్ఎల్ — తేడా
ఏప్రిల్ ———- 4,14,649 ———- 2,95,079 ———– 1,19,570
మే————— 4,62,618 ———- 2,91,861 ———– 1,70,757
జూన్ ———— 3,85,132 ———- 2,86,074 ———- 99,058
జూలై ———— 3,26,656 ——— 2,73,300 ———- 53,356
ఆగస్టు ———– 3,04,713 ——— 2,84,145 ———– 20,568
సెప్టెంబర్ ——- 2,51,939 ——— 2,85,400 ———- -33,461
సెప్టెంబర్ నెల టూ వీలర్స్ సేల్స్లో హీరో వెనక బడింది. గతేడాదితో పోలిస్తే హీరో మోటో సేల్స్ దాదాపు రెండు శాతం తగ్గాయి. హీరో బైక్స్ అండ్ స్కూటర్స్ సేల్స్ ఇప్పటివరకు 5,19,980 యూనిట్లు. దేశీయంగా 5,07,690 బైక్స్, స్కూటర్లు విక్రయిస్తే విదేశాలకు ఎగుమతులు దాదాపు 50 శాతం తగ్గి 12,290 యూనిట్లతో సరిపెట్టుకుంది. గత నెలలో హీరో బైక్స్ 4,80,237 విక్రయిస్తే.. 2021లో 4,89,217 యూనిట్లు సేల్ అయ్యాయి. స్కూటర్ల సేల్స్ స్వల్పంగా 40,929 యూనిట్ల నుంచి 39,743 యూనిట్లకు తగ్గాయి. హోండా టూ వీలర్స్ హోల్సేల్ విక్రయాల డేటా ఇంకా వెల్లడి కాలేదు.