e-Paper

Advertisement

E-Paper

Apps

Book Your Copy

Visit Telangana Today

Sunday, June 13, 2021
Home News బ్రిట‌న్‌ను క‌ల‌వ‌ర‌పెడుతున్న డెల్టా వేరియంట్‌!!

బ్రిట‌న్‌ను క‌ల‌వ‌ర‌పెడుతున్న డెల్టా వేరియంట్‌!!

బ్రిట‌న్‌ను క‌ల‌వ‌ర‌పెడుతున్న డెల్టా వేరియంట్‌!!

లండ‌న్‌: ఇండియాలో అత్యంత వేగంగా వ్యాపించిన కొవిడ్ -19 డెల్టా వేరియంట్ (బీ1.617.2) ఇప్పుడు బ్రిట‌న్‌ను క‌ల‌వ‌ర‌పెడుతోంది. ఆ దేశంలో ఈ వేరియంట్ వ‌ల్ల ఇన్‌ఫెక్ష‌న్ బారిన ప‌డుతున్న వారి సంఖ్య రోజురోజుకూ పెరుగుతోంది. పబ్లిక్ హెల్త్ ఇంగ్లాండ్ (పీహెచ్ఈ) ప్రకారం డెల్టా వేరియంట్ ఇన్ఫెక్షన్లు వారంలో 5,472కు పెరిగాయి. ఇప్ప‌టివ‌ర‌కూ మొత్తం 12,431 కేసులు న‌మోద‌య్యాయి. ఈ డెల్టా వేరియంట్ బ్రిట‌న్‌లో ఇప్ప‌టికే ఉన్న ఆల్ఫా వేరియంట్‌ను అధిగ‌మించే స్థాయికి చేరుకుంద‌ని అక్క‌డి అధికారులు ఆందోళ‌న వ్య‌క్తంచేస్తున్నారు.
ఈ డెల్టా వేరియంట్ మొట్టమొదట ఇంగ్లాండ్‌లోని కెంట్ రీజియ‌న్‌లో బ‌య‌ట‌ప‌డింది. అధికారిక గణాంకాల ప్రకారం, ఈ వారం డెల్టా వేరియంట్‌తో 278 మంది అత్యవసర పరిస్థితుల్లో ద‌వాఖాన‌లో చేరారు. గత వారం 201 మంది హాస్పిట‌ల్‌లో చేరి చికిత్స తీసుకున్నారు. “ఈ వేరియంట్ ఇప్పుడు బ్రిట‌న్‌ అంతటా వ్యాపిస్తోంది.. మ‌న‌మంద‌రం వీలైనంత జాగ్రత్త వహించడం చాలా అవసరం” అని యూకే ఆరోగ్య భద్రతా సంస్థ చీఫ్ ఎగ్జిక్యూటివ్ డాక్టర్ జెన్నీ హారిస్ ప్ర‌జ‌ల‌కు పిలుపునిచ్చారు. ఆల్ఫా వేరియంట్‌తో పోల్చితే డెల్టా వేరియంట్‌తోనే ద‌వాఖాన‌లో చేరే ప్ర‌మాదం ఎక్కువ‌గా ఉంద‌ని పీహెచ్ఈ తేల్చింది. దీంతో బ్రిట‌న్ అధికారులు అప్ర‌మ‌త్త‌మ‌య్యారు.

Advertisement
-Advertisement-

తాజావార్తలు

Advertisement
బ్రిట‌న్‌ను క‌ల‌వ‌ర‌పెడుతున్న డెల్టా వేరియంట్‌!!

ట్రెండింగ్‌

Advertisement