రాధా మమత సమర్పణలో ఎస్కే ఆర్ట్స్ పతాకంపై విజయ్ కృష్ణ హీరోగా నటిస్తూ స్వీయ దర్శకత్వంలో నిర్మించిన సినిమా ‘గణా’. సుకన్య, తేజు నాయికలుగా నటించారు. ఈ చిత్ర ఫస్ట్ లుక్ పోస్టర్ను దర్శకుడు ఎస్వీ కృష్ణారెడ్డి విడుదల చేశారు. సినిమా విజయం సాధించాలని కోరుతూ చిత్ర బృందానికి విషెస్ తెలిపారు. ఈ సందర్భంగా హీరో విజయ్ కృష్ణ మాట్లాడుతూ…‘గతంలో రెండు చిత్రాల్లో హీరోగా నటించాను. నాకిది మూడో సినిమా. ఎస్వీ కృష్ణారెడ్డి అభిమానిని. ఆయన చేతుల ద్వారా ఫస్ట్ లుక్ రిలీజ్ కావడం సంతోషంగా ఉంది. యాక్షన్ ఎంటర్టైనర్ చిత్రమిది. ఆకట్టుకునే స్క్రీన్ప్లేతో సినిమా సాగుతుంది. త్వరలోనే చిత్రాన్ని మీ ముందుకు తీసుకొస్తాం’ అన్నారు.