ఎయిర్పోర్టులో ల్యాండవ్వాల్సిన విమానం.. ఆ పక్కనే ఉన్న చెరువులో మునిగినంత పనిచేసింది. ఈ ఘటన ఫ్రాన్స్లోని మోంటెపెల్లీర్లో వెలుగు చూసింది. దక్షిణ పారిస్లోని చార్లెస్ డీ గాలే ఎయిర్పోర్టు నుంచి మోంటెపెల్లీర్ వచ్చిన ఒక బోయింగ్ విమానం.. ల్యాండింగ్ సమయంలో రన్వే దాటి పోయింది. తెల్లారుజామున 3 గంటలకు విమానాశ్రయం చేరుకున్న ఈ ఎయిర్క్రాఫ్ట్ ల్యాండవ్వాల్సిన రన్వేపై దిగింది. అయితే రన్వే చివరి వరకూ వెళ్లినా ఆగలేదు.
ఈ క్రమంలో రన్వే ఆవల ఉన్న ఒక చెరువులో మునిగినంత పని చేసింది. చివరకు విమానం ముందుభాగం, ఒక స్టార్బోర్డ్ ఇంజిన్ మాత్రమే నీళ్లలో మునిగాయి. స్టార్బోర్డ్ వైపు ఒక ఫార్వర్డ్ డోర్ కూడా తెరుచుకుంది. అక్కడి నుంచే పైలట్లు తప్పించుకున్నారని నిపుణులు భావిస్తున్నారు. ఈ ఘటనకు సంబంధించిన ఫొటోలను ఫ్రెంచ్ ఎయిర్ యాక్సిడెంట్ ఇన్వెస్టిగేటింగ్ సంస్థ సోషల్ మీడియాలో పంచుకుంది. ఈ ఘటనలో ఎవరికీ ఎలాంటి ప్రమాదం జరగలేదని అధికారులు తెలిపారు.
⚠️ Accident du @BoeingFrance #737 immatriculé EC-NLS exploité par #WestAtlantic / sortie de piste pendant atterrissage survenue le 24/09/22 à l’aéroport de @mplaeroport / 4 enquêteurs @BEA_Aero sur place / ouverture d’une enquête de sécurité. pic.twitter.com/H76U3BbRxk
— BEA ✈️ ⚙️🔬🇫🇷 (@BEA_Aero) September 24, 2022