Visit:
ఇల్లెందు, నవంబర్ 29 : ఇల్లెందు మండలం సుభాష్ నగర్ మాజీ సర్పంచ్ వల్లాల మంగమ్మ కనిపించకుండా పోయారు. దీంతో కుటుంబ సభ్యులు ఇల్లెందు పోలీస్ స్టేషన్‌లో ఫిర్యాదు చేశారు. శ‌నివారం ఇల్లెందు సిఐ తాటిపాముల సురేశ్‌ తెలిపిన వివరాల ప్రకారం.. ఇల్లెందు మండలం సుభాష్ నగర్ గ్రామ పంచాయతీ బీఆర్ఎస్ మాజీ సర్పంచ్ వల్లాల మంగమ్మ గత రాత్రి నుండి కనబడ‌డం లేదని, ఆమె భర్త వల్లాల నరసయ్య, కుటుంబ సభ్యులు ఫిర్యాదు చేసినట్లు తెలిపారు. ఫిర్యాదు మేరకు కేసు నమోదు చేసినట్లు సీఐ వెల్ల‌డించారు. విష‌యం తెలిసిన మాజీ ఎమ్మెల్యే హరిప్రియ నాయ‌క్‌, మండ‌లాధ్య‌క్షుడు శీలం ర‌మేశ్‌, ప‌లువురు నాయ‌కులు వల్లాల మంగమ్మ కుటుంబ సభ్యులను పరామర్శించారు.
Yellandu : కనిపించకుండా పోయిన బీఆర్ఎస్ మాజీ సర్పంచ్ మంగమ్మ
