Chunchupalle : చుంచుపల్లి మండలంలో ఐదు నామినేషన్ స్వీక‌ర‌ణ‌ కేంద్రాల ఏర్పాటు

చుంచుపల్లి మండలంలో స్థానిక సంస్థల ఎన్నికల నామినేషన్ల పర్వం రేపటి నుండి కొనసాగ‌నుంది. ఎన్నికల్లో నిలబడే అభ్యర్థులు ఆదివారం నుండి డిసెంబర్ 2వ తేదీ వరకు నామినేషన్లు వేయనున్నారు. మండలంలో 18 గ్రామ పంచాయతీలు, 168 వార్డులకు గాను అధికారులు..

– మండలంలో 18 గ్రామ పంచాయ‌తీలు, 168 వార్డులు

చుంచుపల్లి, న‌వంబ‌ర్ 29 : చుంచుపల్లి మండలంలో స్థానిక సంస్థల ఎన్నికల నామినేషన్ల పర్వం రేపటి నుండి కొనసాగ‌నుంది. ఎన్నికల్లో నిలబడే అభ్యర్థులు ఆదివారం నుండి డిసెంబర్ 2వ తేదీ వరకు నామినేషన్లు వేయనున్నారు. మండలంలో 18 గ్రామ పంచాయతీలు, 168 వార్డులకు గాను అధికారులు 5 నామినేషన్ కేంద్రాలను ఏర్పాటు చేశారు. రుద్రంపూర్ పంచాయతీ కార్యాలయం నందు రుద్రంపూర్, గౌతమ్‌పూర్‌, ధన్బాద్, పెనుగడప పంచాయతీ కార్యాలయంలో పెనగడప, అంబేద్కర్ నగర్, రాంపురం, వెంకటేష్ ఖని, త్రీ ఇంక్లైన్ పంచాయతీ కార్యాలయంలో త్రీ ఇంక్లైన్, ఫోర్ ఇంక్లైన్స్, పెనుబల్లి, ప్రశాంతినగర్ నామినేషన్లు స‌మ‌ర్పించ‌నున్నారు. విద్యానగర్ కాలనీ పంచాయతీ కార్యాలయంలో విద్యానగర్, చుంచుపల్లి తండా, నందా తండా, వేంకటేశ్వర‌ కాలనీ, బాబు క్యాంప్‌ పంచాయితీ కార్యాలయంలో బాబు క్యాంప్, ఎన్.కె.నగర్, రామాంజనేయ కాలనీ గ్రామ సర్పంచులు, వార్డ్ మెంబర్లుగా పోటీ చేయువారు నామినేషన్ పత్రాలను దాఖ‌లు చేయ‌నున్నారు. నామినేషన్ సెంటర్లు నందు ఇబ్బంది లేకుండా అధికారులు పకడ్బందీ ఏర్పాట్లు చేశారు.