వరుణ్, సోనాక్షి వర్మ, చైతన్య ప్రియ హీరో హీరోయిన్లుగా నటిస్తున్న సినిమా ‘పూర్ణ’. ఈ చిత్రాన్ని ఎంఆర్డీ ప్రొడక్షన్స్ పతాకంపై ఎంఆర్ దీపక్ స్వీయ దర్శకత్వంలో రూపొందిస్తున్నారు. లవ్, సస్పెన్స్ థ్రిల్లర్గా తెరకెక్కనున్న ఈ సినిమా షూటింగ్ ప్రారంభోత్సవం ఇటీవల హైదరాబాద్లో జరిగింది.
దర్శక నిర్మాత ఎంఆర్ దీపక్ మాట్లాడుతూ…‘అమ్మాయిలపై జరుగుతున్న అఘాయిత్యాల నేపథ్యంలో సందేశాత్మకంగా తెరకెక్కిస్తున్న చిత్రమిది. ప్రేమ కథతో పాటు సస్పెన్స్ థ్రిల్లర్ అంశాలుంటాయి.
ఫైర్ బ్రాండ్ లాంటి పూర్ణ అనే అమ్మాయి నిజ జీవితంలో జరిగిన సంఘటనల ఆధారంగా సినిమా రూపొందిస్తున్నాం. ఆపద వచ్చినప్పుడు అమ్మాయిలు తమను తామే ఎలా కాపాడుకోవాలో చూపిస్తున్నాం. త్వరలో రెగ్యులర్ చిత్రీకరణ ప్రారంభించి ఒకే షెడ్యూల్లో పూర్తి చేస్తాం’అన్నారు.