దుల్కర్ సల్మాన్ హీరోగా హను రాఘవపూడి తెరకెక్కించిన ప్రేమ కావ్యం సీతా రామం. ఎప్పుడో దశాబ్దానికి కూడా రాని అద్భుతమైన ప్రేమ కథ చిత్రం ఇదే అంటూ అందరూ ప్రశంసల వర్షం కురిపించారు ఇప్పటికే తెలుగుతో పాటు కన్నడ, మలయాళ, తమిళ భాషల్లో కూడా సీత రామం సినిమా సంచలన విజయం సాధించింది. కేవలం 17 కోట్ల బాక్సాఫీస్ లక్ష్యంతో బరిలోకి దిగిన ఈ సినిమా ఇప్పటికే 43 కోట్ల షేర్ వసూలు చేసి ట్రిపుల్ బ్లాక్ బస్టర్ గా నిలిచింది.
ఇలాంటి అందమైన సినిమాను కేవలం సౌత్ కు మాత్రమే పరిమితం చేయకుండా సెప్టెంబర్ 2న హిందీలో కూడా విడుదల చేశారు దర్శక నిర్మాతలు. చాలా తక్కువ థియేటర్స్ లో.. తక్కువ పబ్లిసిటీతో విడుదలైన సీత రామం సినిమా హిందీ వర్షన్ కు కూడా అదిరిపోయే కలెక్షన్స్ వస్తున్నాయి. ఎలాంటి ప్రమోషన్ లేకుండా విడుదలనే ఈ సినిమాకు కేవలం మౌత్ పబ్లిసిటీ కారణంగా రోజురోజుకు వసూళ్లు పెరుగుతుండడం దర్శక నిర్మాతలకు సంతోషాన్ని కలిగిస్తుంది.
ఇప్పటికే హిందీలో 4 కోట్ల గ్రాస్.. రెండు కోట్ల షేర్ వసూలు చేసింది ఈ సినిమా. ఈ వీకెండ్ నాటికి పరిస్థితి ఇంకా బాగుంటుందని నమ్ముతున్నారు మేకర్స్. బ్రహ్మాస్త్ర లాంటి భారీ సినిమా వస్తున్నా కూడా.. కంటెంట్ బలంగా ఉండడంతో హిందీలో సీత రామం కచ్చితంగా మ్యాజిక్ చేస్తుందని వాళ్లు నమ్ముతున్నారు. మృణాల్ ఠాకూర్, రష్మిక మందన హీరోయిన్లుగా నటించిన ఈ సినిమాను వైజయంతి మూవీస్ నిర్మించారు.
సౌత్ లో క్లాసిక్ హోదాను అందుకున్న ఈ సినిమా హిందీలో కూడా అదే వైపు పరుగులు పెడుతుంది. అన్నట్టు సీతా రామం సినిమా విడుదల కముందే హను రాఘవపూడి బాలీవుడ్ లో సినిమాకు కమిట్ అయ్యాడు త్వరలోనే ఈ సినిమా షూటింగ్ మొదలు కానుంది. సన్నీ డియోల్ ఇందులో హీరోగా నటిస్తున్నాడు.
ఇవి కూడా చదవండి..