మూడేళ్ల గ్యాప్ తర్వాత పవన్ కళ్యాణ్ నటించిన సినిమా వకీల్సాబ్. కరోనా సెకండ్ వేవ్ కంటే ముందు థియేటర్లలో విడుదలైన చివరి సినిమా కూడా ఇదే. ఒకవైపు వైరస్ విజృంభిస్తున్నా కూడా మరోవైపు పవన్ కళ్యాణ్ బాక్సాఫీస్ దగ్గర తన స్టామినా చూపించాడు. దాదాపు 85 కోట్లకు పైగా వసూలు చేసింది ఈ సినిమా. విడుదలైన మూడు వారాలకే అమెజాన్ ప్రైమ్ వీడియోలో విడుదల చేశారు. దీంతో థియేటర్లో మిస్ అయిన వాళ్లు ఈ సినిమాను ఇంట్లో కూర్చొని హాయిగా చూసి ఎంజాయ్ చేశారు. ఇదిలా ఉంటే సినిమా విడుదలైన మూడు నెలల తర్వాత ఈ మధ్య జీ తెలుగులో తొలిసారి వరల్డ్ టెలివిజన్ ప్రీమియర్ పేరుతో ఈ సినిమాను ప్రసారం చేశారు. దీనికి ప్రమోషన్ కూడా బాగానే చేశారు. సిటీలో పెద్ద పెద్ద కటౌట్స్ పెట్టారు. అలాగే సోషల్ మీడియాలో కూడా వకీల్ సాబ్ ప్రీమియర్ గురించి చాలా చర్చ జరిగింది.
ఈ సినిమా కోసం జీ తెలుగు దాదాపు 16 కోట్లకు పైగా వెచ్చించ్చిందని సమాచారం. దానికి తగ్గట్టుగానే ఈ సినిమాకు యాడ్ రెవిన్యూ కూడా బాగానే వచ్చినట్టు తెలుస్తోంది. ఇదంతా ఇలా ఉంటే వకీల్ సాబ్ టీఆర్పీ రేటింగ్ ఇప్పుడు బయటికి వచ్చింది. తొలిసారి ఈ సినిమా టీవీలో ఎంత టీఆర్పీ తీసుకొచ్చిందని అభిమానులతో పాటు.. మిగిలిన ఛానల్స్ కూడా ఆసక్తిగా వేచి చూస్తున్నాయి. ఈ సినిమాకు 19.12 రేటింగ్ వచ్చింది.
పవన్ స్థాయికి ఇది కాస్త తక్కువ రేటింగ్. అయితే ప్రస్తుతం ఉన్న పరిస్థితుల పరంగా చూస్తే మాత్రం మంచి టీఆర్పీ తీసుకొచ్చింది వకీల్ సాబ్. ఎందుకంటే ఇప్పటికే చాలామంది ఈ సినిమాను చూశారు. పైగా అమెజాన్లో మూడు వారాల్లోనే విడుదలైంది. మిగిలిన డిజిటల్ ప్లాట్ ఫామ్స్ లో కూడా ఒరిజినల్ ప్రింట్ వచ్చేసింది. దాంతో టీవీలో చూడడానికి ఎవరూ పెద్దగా ఆసక్తి చూపించలేదు. అయినా కూడా 19కి పైగా రేటింగ్ వచ్చింది. సాధారణంగా పెద్ద హీరోలకు 20కి పైగా రేటింగ్ వస్తుంది. అయితే ఈ మధ్య కాలంలో ఓటీటీ ప్రభావం ఎక్కువగా ఉండడంతో.. ఏ సినిమాకు అంత టీఆర్పీ రావడం లేదు. ఇలాంటి సమయంలో పవన్ కళ్యాణ్ సినిమాకు 19 కి పైగా రేటింగ్ రావడం గొప్ప విషయమే. ఒకవేళ వకీల్ సాబ్ సినిమా మా టీవీ తీసుకొని ఉండుంటే ఖచ్చితంగా రేటింగ్ 23-25 మధ్య వచ్చి ఉండేదని విశ్లేషకుల అంచనా.
లోకల్ టు గ్లోబల్ వార్తల కోసం.. నమస్తే తెలంగాణ ఫేస్బుక్, ట్విటర్ పేజీలను ఫాలో అవ్వండి
సిల్క్ స్మితను కొట్టే ఆడది లేదు.. శ్రీదేవి కూడా ఆమెనే ఫాలో అయ్యేది.. బాలయ్య సంచలన వ్యాఖ్యలు
మళ్లీ ఎమోషనల్ అయిన ఆర్.నారాయణమూర్తి..
దానికే మా ఓటు.. రూటు మారుస్తున్న అందాల భామలు
రెండో పెళ్లికి సిద్ధమైన అక్కినేని మనుమడు.. నెట్టింట పెళ్లి కార్డు వైరల్
ప్రభాస్ ఫ్యాన్స్కు గుడ్ న్యూస్.. మూడు రోజుల్లో బిగ్ అప్డేట్