టీమ్ఇండియా ఫాస్ట్బౌలర్ జస్ప్రిత్ బుమ్రా సోమవారం పెళ్లి చేసుకున్నాడు. మాజీ మిస్ ఇండియా ఫైనలిస్ట్, స్పోర్ట్స్ ప్రజెంటర్ సంజన గణేశన్ని ఈరోజు గోవాలో బుమ్రా వివాహం చేసుకున్నాడు. ఇరు కుటుంబ సభ్యులు, సన్నిహితుల సమక్షంలో వివాహ వేడుక జరిగింది. ‘ మా జీవితంలోనే అత్యంత ఆనందకరమైన రోజు. మా పెళ్లి వార్తను, ఆనందాన్ని మీ అందరికీ తెలియజేయడానికి ఎంతో సంతోషిస్తున్నాం’ అంటూ బుమ్రా ట్వీట్ చేశాడు. దీంతో క్రికెటర్లు, నెటిజన్లు బుమ్రా దంపతులకు శుభాకాంక్షలు చెబుతున్నారు.
గత కొన్ని రోజులుగా బుమ్రా, సంజన పెళ్లి చేసుకోబోతున్నారన్న వార్తలు సోషల్ మీడియా ట్రెండింగ్లో ఉన్న విషయం తెలిసిందే. పెళ్లి చేసుకోవడం కోసమే బుమ్రా ఇంగ్లాండ్తో సిరీస్ నుంచి తప్పుకున్నాడు. ఐపీఎల్ 2020 సీజన్కి సంజన స్పోర్ట్స్ ప్రజెంటర్గా పనిచేసింది.