CPGET 2022 | రాష్ట్రంలోని అన్ని యూనివర్సిటీల్లో పీజీ కోర్సుల్లో ప్రవేశాలకు నిర్వహించిన సీపీగెట్ -2022 ఫలితాలు ఇటీవల విడుదలైన విషయం విదితమే. ఈ నేపథ్యంలో ప్రవేశాల భర్తీ కోసం కౌన్సెలింగ్ షెడ్యూల్ను సీపీగెట్ కన్వీనర్ మంగళవారం విడుదల చేశారు.
ప్రవేశ పరీక్షలో ఉత్తీర్ణత సాధించిన అభ్యర్థులు సెప్టెంబర్ 28 నుంచి అక్టోబర్ 10వ తేదీ వరకు సర్టిఫికెట్ వెరిఫికేషన్ కోసం ఆన్లైన్లో రిజిస్ట్రేషన్ చేసుకోవచ్చు. అక్టోబర్ 11వ తేదీ నుంచి వెరిఫికేషన్ వివరాలను అందుబాటులో ఉంచనున్నారు. 12 నుంచి 15వ తేదీ వరకు వెబ్ ఆప్షన్లు నమోదు చేసుకునేందుకు అవకాశం కల్పించారు. 18వ తేదీన సీట్ల కేటాయింపు జరగనుంది. సీట్లు పొందిన అభ్యర్థులు అక్టోబర్ 21వ తేదీ లోపు సంబంధిత కాలేజీల్లో రిపోర్టు చేయాల్సి ఉంటుంది. అక్టోబర్ 24 నుంచి సెకండ్ ఫేజ్ కౌన్సెలింగ్ ప్రారంభం కానుంది.