Cobra Movie trimmed | కోలీవుడ్కు సమానంగా టాలీవుడ్లో క్రేజ్ ఏర్పరచుకున్న నటుడు చియాన్ విక్రమ్. చాలా కాలం తర్వాత ‘మహాన్’తో గ్రాండ్ కంబ్యాక్ ఇచ్చిన విక్రమ్.. తాజాగా ‘కోబ్రా’తో ప్రేక్షకుల ముందుకు వచ్చాడు. అజయ్ జ్ఞానముత్తు దర్శకత్వం వహించిన ఈ చిత్రం వినాయక చవితి సందర్భంగా సెప్టెంబర్ 2న విడుదలై మిక్స్డ్ టాక్ తెచ్చుకుంది. కథ బాగానే ఉన్నా, కథనం స్లోగా ఉందని, లెంగ్త్ బాగా ఎక్కువైందని పలువురు ప్రేక్షకులు అభిప్రాయపడ్డారు. దాంతో మేకర్స్ ఈ చిత్రాన్ని మరోసారి ఎడిటింగ్ చేశారు.
ఎడిటింగ్లో ఈ చిత్రాన్ని దాదాపు 20 నిమిషాలు ట్రిమ్ చేసినట్లు టాక్. ఇక ఎడిట్ వెర్షన్ గురువారం సాయంత్రం షోస్ నుండి అందుబాటులో ఉంది. ముందుగా ఈ చిత్రం 3 గంటల మూడు నిమిషాలు ఉండగా.. ఇప్పుడు 2 గంటల 43 నిమిషాలుగా ఉంది. ఇక ఈ చిత్రంలో విక్రమ్ సైంటిస్టుగా అద్భుతమైన నటనను కనబరిచారు. విభిన్న రకాల గెటప్స్లో అదరగొట్టాడు. టాక్ ఎలా ఉన్నా ఈ చిత్రం విక్రమ్ కెరీర్లో హైయెస్ట్ ఓపెనింగ్స్ను రాబట్టింది. ఇర్ఫాన్ పఠాన్ కీలకపాత్రలో నటించిన ఈ చిత్రంలో విక్రమ్కు జోడీగా శ్రీనిధి శెట్టి హీరోయిన్గా నటించింది. మృనాళిని రవి ముఖ్య పాత్రలో నటించింది.