మనుషుల్లాగే జంతువులకూ మనసుంటుంది. వాటికి ఫీలింగ్స్ ఉంటాయి. కొన్ని జంతువులు ఎదుటి జంతువులు, మనుషుల బాధలను అర్థం చేసుకుంటాయి. అందుకు తగ్గట్టుగా ప్రతిస్పందిస్తాయి. ఈ వీడియోనే అందుకు ఉదాహరణ. రాయిపై కూర్చొని ఏడుస్తున్న ఓ వ్యక్తిని చింపాంజీ ఓదార్చింది. అచ్చం మనిషిలాగే అతడిని హత్తుకుంది. ఈ వీడియో నెట్టింట వైరల్గా మారింది.
ఈ వీడియోలో కనిపిస్తున్న చింపాంజీ పేరు లింబానీ. దీనిపేరుపై ఇన్స్టాలో అకౌంట్ కూడా ఉంది. 7లక్షల ఫాలోవర్స్ ఉన్నారు. ఇది యూఎస్లోని ఫ్లోరిడాలోగల మియామి జువలాజికల్ వైల్డ్లైఫ్ ఫౌండేషన్ (జడ్డబ్ల్యూఎఫ్)లో ఉంటోంది. లింబానీ చాలా తెలివైనది. లింబానీజడ్డబ్ల్యూఎఫ్ ఇన్స్టా పేజీలో అప్లోడ్ చేసిన వీడియోలో వ్యక్తిని ఓదారుస్తూ కనిపించింది. వ్యక్తి ఏడుస్తుండడాన్ని దూరం నుంచి గమనించిన లింబానీ పరుగున అతడి వద్దకు వచ్చింది. అతడి మెడపైకి ఎక్కి తలపై నిమురుతూ ఓదార్చింది. అనంతరం ముందుకు దూకి అతడిని హత్తుకుంది. ఈ వీడియో ప్రపంచవ్యాప్తంగా ఉన్న జంతుప్రేమికుల హృదయాలను గెలుచుకుంటున్నది. ఇప్పటివరకూ 1.8 మిలియన్ వ్యూస్ను సొంతం చేసుకున్నది. లక్షకు పైగా లైక్స్తో దూసుకుపోతున్నది.