అక్కినేని ఫ్యామిలీ హీరో నాగ చైతన్య హిట్స్, ఫ్లాప్స్తో సంబంధం లేకుండా సినిమాలు చేస్తున్నాడు. కొద్ది కాలంగా శేఖర్ కమ్ముల దర్శకత్వంలో తెరకెక్కిన లవ్ స్టోరీ చిత్రంతో బిజీగా ఉండగా, ఈ సినిమాను ఏప్రిల్ 16న విడుదల చేయాలని మేకర్స్ భావించారు. కాని కరోనా ఉదృతి ఎక్కువ కావడంతో చిత్రాన్ని తాత్కాలికంగా వాయిదా వేశారు. ఇక చైతూ నటిస్తున్న మరో చిత్రం థ్యాంక్యూ. విక్రమ్ కుమార్ దర్శకత్వంలో రూపొందుతుంది.
ఇటీవల విదేశాలలో ఈ సినిమాకు సంబంధించిన షెడ్యూల్ పూర్తి కాగా, లాక్ డౌన్ తర్వాత కొంత పార్ట్ పూర్తి చేసి ఈ ఏడాది విడుదల చేసేందుకు సన్నాహాలు చేస్తున్నారు. మరో వైపు హిందీలో ఆమిర్ ఖాన్ చేస్తున్న ‘లాల్ సింగ్ చద్దా’ చిత్రంలో ఒక కీ రోల్ చేస్తున్నాడు చైతన్య. లడాక్ లో చిత్ర షూటింగ్ మొదలు కానుండగా, ఈ సినిమాను 2021లోనే విడుదల చేసేందుకు ప్లాన్ చేస్తున్నారు. అన్నీ పర్ఫెక్ట్గా జరిగితే ఈ ఏడాది మూడు సినిమాలతో అలరించనున్నాడు చైతూ.