టాలీవుడ్ లో మోస్ట్ ఎవెయిటెడ్ ప్రాజెక్టులు హీరో నందమూరి కల్యాణ్రామ్ (Kalyan Ram) టైటిల్ రోల్ పోషించిన సినిమా బింబిసార (Bimbisara). వశిష్ఠ్ (Vasisth) దర్శకత్వం వహించాడు. మరోవైపు వార్ బ్యాక్ డ్రాప్ ప్రేమకథతో హను రాఘవపూడి (Hanu Raghavapudi) తెరకెక్కించిన చిత్రం సీతారామం (Sita Ramam). నేడు ప్రేక్షకుల ముందుకు వచ్చిన ఈ రెండు సినిమాలు పాజిటివ్ టాక్తో ఓపెనింగ్ డేను షురూ చేశాయి.
సీతారామం 182 లొకేషన్లలో విడుదలవగా..బింబిసార 99 లొకేషన్లలో విడుదలైంది. తాజాగా ఈ రెండు చిత్రాలు యూఎస్లో రాబట్టిన ప్రీమియర్ కలెక్షన్లకు సంబంధించిన వార్త ఒకటి నెట్టింట్లో హల్ చల్ చేస్తోంది. సీతారామం చిత్రం తాజా అప్ డేట్ ప్రకారం యూఎస్లో రూ.43,27,824.08 డాలర్లు ($54,627) రాబట్టగా..మరోవైపు బింబిసార రూ.27,88,323.88 ( $35,195) రాబట్టినట్టు ట్రేడ్ సర్కిల్ టాక్. మొత్తం కలెక్షన్లపై అధికారిక అప్డేట్ రానుందని టాక్.
మలయాళ స్టార్ యాక్టర్ దుల్కర్ సల్మాన్ (Dulquer Salmaan) హీరోగా నటించిన సీతారామంలో బాలీవుడ్ భామ మృణాల్ ఠాకూర్ (Mrunal Thakur), రష్మిక మందన్నా ఫీ మేల్ లీడ్ రోల్స్ లో నటించారు. మగధ రాజ్యాన్ని పాలించిన హర్యాంక వంశస్థుడు బింబిసారుని బయోపిక్గా వచ్చిన బింబిసారలో కేథరిన్ ట్రెసా, సంయుక్తా మీనన్ ఫీ మేల్ లీడ్ రోల్స్లో నటించారు.