పాట్నా, అక్టోబర్ 14: కృషి, పట్టుదల ఉంటే ఏదైనా సాధ్యమే అన్న విషయం మరోసారి రుజువైంది. బీహార్కు చెందిన కమల్ కిశోర్ మండల్ ఎక్కడైతే తాను ప్యూన్గా పనిచేశాడో అక్కడే అసిస్టెంట్ ప్రొఫెసర్గా చేరాడు. కమల్ తండ్రి రోడ్డు పక్కన చాయ్ దుకాణం నడుపుతూ కుటుంబాన్ని పోషిస్తున్నాడు. దీంతో కమల్ 23 ఏండ్ల వయసులో కాలేజీలో నైట్ సెక్యూరిటీ గార్డుగా చేరాడు. అయితే డిగ్రీ పూర్తి చేసిన అతడిని డిప్యూటేషన్పై తిల్కా మాంజీ భగల్పూర్ యూనివర్సిటీకి 2008లో బదిలీ చేశారు. అక్కడ ‘అంబేద్కర్ ఆలోచన, సామాజిక సేవ’ డిపార్టుమెంట్లో ప్యూన్గా చేరాడు.
రోజూ విద్యార్థులు వస్తూ వెళ్తుండటంతో తాను కూడా ఉన్నత చదువులు చదువాలని కమల్ అనుకున్నాడు. యూనివర్సిటీ అనుమతితో ఎంఏ చదివాడు. పీహెచ్డీ కూడా పూర్తి చేశాడు. నెట్ పరీక్ష పాసయ్యాడు. 2020లో యూనివర్సిటీలో ఖాళీ ఉన్న అసిస్టెంట్ ప్రొఫెసర్ ఉద్యోగాలకు నోటిఫికేషన్ విడుదలైంది. దీంతో కమల్ దరఖాస్తు చేశాడు. ఇటీవల ఫలితాలను వెల్లడించగా కమల్కు మంచి మార్కులు వచ్చాయి. దీంతో అసిస్టెంట్ ప్రొఫెసర్ ఉద్యోగం వచ్చింది. ఏ డిపార్టుమెంట్లో అయితే ప్యూన్గా పనిచేశాడో అదే డిపార్టుమెంట్లో అసిస్టెంట్ ప్రొఫెసర్గా చేరడం విశేషం.