పశ్చిమ బెంగాల్ క్రీడా, యువజన సర్వీసుల శాఖ మంత్రి మనోజ్ తివారి రంజీ ట్రోఫీలో సెంచరీలతో చెలరేగుతున్నాడు. జార్ఖండ్ తో క్వాలిఫయర్స్ లో శతకం బాదిన ఈ వెటరన్ ఆటగాడు.. తాజాగా మధ్యప్రదేశ్ తో జరుగుతున్న సెమీస్ లో కూడా సెంచరీ చేశాడు. సెంచరీ చేయగానే జేబులోంచి ఓ లేఖను తీశాడు తివారి. అందులో అమాత్యుల వారి భార్య పేరుతో రాసి ఉన్న ప్రేమలేఖ దాగి ఉంది.
రంజీ ట్రోఫీ-2022లో భాగంగా ఏలూరు (ఆంధ్రప్రదేశ్)లో మధ్యప్రదేశ్-బెంగాల్ మధ్య సెమీఫైనల్ మ్యాచ్ జరుగుతున్నది. ఈ మ్యాచ్ తొలి ఇన్నింగ్స్ లో మధ్యప్రదేశ్ జట్టు 341 పరుగులకు ఆలౌట్ అయింది. ఫస్ట్ ఇన్నింగ్స్ లో బ్యాటింగ్ కు వచ్చిన బెంగాల్.. 54 పరుగులకే ఐదు వికెట్లు కోల్పోయింది. ఈ క్రమంలో క్రీజులోకి వచ్చిన మనోజ్ తివారి.. 211 బంతుల్లో 102 పరుగులు చేసి తమ జట్టును ఆదుకున్నాడు. ఐపీఎల్ లో ఆర్సీబీ తరఫున ఆడే షాబాజ్ అహ్మద్ (116) తో కలిసి బెంగాల్ ను ముందుకు నడిపించాడు.
అయితే ఈ మ్యాచ్ లో సెంచరీ చేయగానే తివారి.. తన జేబులో ఉన్న చీటిని తీసి కెమెరాల వైపు చూపాడు. అందులో ‘ఐ లవ్యూ సుస్మిత (మై స్వీటీపై)’ అని రాసి ఉంది. తివారి భార్య పేరు సుస్మిత. ఇందుకు సంబంధించిన ఫోటో ఇప్పుడు నెట్టింట వైరల్ గా మారింది. రంజీలలో మనోజ్ కు ఇది 29వ సెంచరీ కావడం విశేషం.
అయితే తివారి సెంచరీ తర్వాత ఈ నోట్ చూపడంపై ట్విటర్ లో పలువురు ఆకతాయిలు ‘మరి అందులో మమతా బెనర్జీ (బెంగాల్ సీఎం) పేరేది..? అయితే ఇతడు నిజమైన టీఎంసీ అభ్యర్థి కాదు..’, ‘నేను అతడు మమతా బెనర్జీకి లవ్ లెటర్ రాసాడేమో అనుకుంటున్నా’ అని కామెంట్లు చేశారు. ఇది కచ్చితంగా బీజేపీ పనేనని టీఎంసీ ఆరోపిస్తున్నది.
Manoj Tiwary shows a handmade note after scoring the century to appreciate his family. pic.twitter.com/Q51dSd5xkj
— Mufaddal Vohra (@mufaddal_vohra) June 16, 2022
Where is Mamata Banerjee’s name ?
Not a real tmc candidate imo— Em!N€nt $oC!@li$t (@NosaneEmi) June 16, 2022