తెలంగాణ సంస్కృతీ సంప్రదాయాలకు ప్రతీకగా నిలిచే బతుకమ్మ పండుగకు చీరలు పంపిణీ చేసేందుకు రాష్ట్ర సర్కారు ముహూర్తం ఖరారు చేసింది. మంచిర్యాల జిల్లాకు 2,83,909, ఆసిఫాబాద్ జిల్లాకు 1,91,065 కానుకలు చేరుకోగా, నేటి నుంచి రేషన్ దుకాణాల ద్వారా అందించేందుకు యంత్రాంగం అన్ని ఏర్పాట్లు పూర్తి చేసింది. ఆకర్షణీయమైన రంగులు.. 240 వెరైటీలతో సారె మెరిసిపోతుండగా, మహిళాలోకం మురిసిపోతున్నది.
కుమ్రం భీం ఆసిఫాబాద్(నమస్తే తెలంగాణ)/మంచిర్యాల అర్బన్, సెప్టెంబర్ 21 : మంచిర్యాల, కుమ్రం భీం ఆసిఫాబాద్ జిల్లాల్లో ఈ నెల 22 నుంచి బతుకమ్మ చీరలు పంపిణీ చేసేందుకు యంత్రాంగం అన్ని ఏర్పాట్లు చేసింది. 18 ఏళ్లు నిండిన ప్రతీ ఆడపడుచుకు రేషన్ దుకాణాల ద్వారా చీరలను అందించనున్నారు. 24 రకాల డిజైన్లు.. 10 రంగుల్లో.. 240 వెరైటీలతో చూడగానే ఆకట్టుకునేలా ఉన్నాయి. 6, 9 గజాల పొడవు చీరలతో పాటు, 9×16 అంగుళాల జాకెట్ పీసుల కానుకతో మహిళలు బతుకమ్మ ఉత్సవాలు జరుపుకోనున్నారు.
మంచిర్యాల జిల్లాలో..
మంచిర్యాల జిల్లాలోని 18 మండలాల్లో 423 రేషన్ దుకాణాల ద్వారా 2,83,909 చీరలు పంపిణీ చేయనున్నారు. ఇందులో బెల్లంపల్లి మండలానికి 26,656, భీమినికి 5,101, భీమారానికి 6,120, చెన్నూర్కు 20,364, దండేపల్లికి 19,569, హాజీపూర్కు 12,646, జైపూర్కు 12,966, జన్నారానికి 21,236, కన్నెపల్లికి 7,692, కాసిపేటకు 11,664, కోటపల్లికి 13,684, లక్షెట్టిపేటకు 19,165, మంచిర్యాలకు 31,280, మందమర్రికి 30,312, నస్పూర్కు 17,641, నెన్నెలకు 9,017, తాండూరుకు 11,621, వేమనపల్లి మండలానికి 7,175 చీరలు చేరుకున్నాయి. దండేపల్లి మండలం కన్నెపల్లి, గూడెం, వెల్గనూరు, కాసిపేట, కొండాపూర్, ద్వారక, ధ ర్మారావుపేట, పెద్దపేట, లక్ష్మీకాంతాపూర్ గ్రామాల్లో ఎమ్మెల్యే దివాకర్రావు పంపిణీ కార్యక్రమాన్ని ప్రారంభించనున్నారు.
కుమ్రం భీం ఆసిఫాబాద్ జిల్లాలో..
జిల్లాకు 1,91,065 బతుకమ్మ చీరలు చేరుకున్నాయి. కాగజ్నగర్ మండలంలో 19,732, కాగజ్నగర్ పట్టణంలో 20,186, ఆసిఫాబాద్లో 19,801, వాంకిడిలో 12,808, దహెగాంలో 10,754, రెబ్బనలో 12,674, తిర్యాణిలో 8,979, కౌటాలలో 13,108, సిర్పూర్-టీలో 10,159, పెంచికల్పేట్లో 6,084, బెజ్జూర్లో 11,659, చింతలమానెపల్లిలో 11,896, జైనూర్లో 10,786, కెరమెరిలో 11,924, సిర్పూర్-యులో 6,123, లింగాపూర్లో 4,392 మంది మహిళలకు చీరలను అందించనున్నారు.