Visit:
పెన్పహాడ్, నవంబర్ 29 : పెన్పహాడ్ మండల పరిధిలోని అనాజీపురం మోడల్ పాఠశాలలో పీజీటీ ఫిజిక్స్ ఉపాధ్యాయుడు (గెస్ట్ ఫ్యాక‌ల్టీ) నియామకానికి దరఖాస్తులు ఆహ్వానిస్తున్న‌ట్లు పాఠశాల ప్రిన్సిపాల్ కోడి లింగయ్య శనివారం ఒక ప్రకటనలో తెలిపారు. 9వ తరగతి నుండి ఇంటర్మీడియ‌ట్ వరకు ఫిజిక్స్ బోధించ గల, అర్హత కలిగిన అభ్యర్థులు దరఖాస్తు చేసుకోవచ్చ‌ని వెల్ల‌డించారు. అర్హత M.Sc (Physics), B.Ed. ఆసక్తి గల అభ్యర్థులు తమ బయోడేటా, అర్హత పత్రాల ప్రతులు, మొబైల్ నంబర్‌ను పాఠశాల కార్యాలయానికి సమర్పించాలన్నారు. దరఖాస్తుల సమర్పణకు చివరి తేదీ డిసెంబ‌ర్ 2గా పేర్కొన్నారు.
