ప్రభాస్ శ్రీరాముడి పాత్రలో నటిస్తున్న సినిమా ‘ఆదిపురుష్’. పాన్ ఇండియా మూవీగా సినీ ప్రియుల్లో ఆసక్తిని రేకెత్తిస్తున్నదీ చిత్రం. రామాయణ గాథ నేపథ్యంతో దర్శకుడు ఓంరావత్ తెరకెక్కిస్తున్నారు. ఈ చిత్రం నుంచి ప్రభాస్ ఫస్ట్ లుక్ పోస్టర్ను విడుదల చేశారు. చెడుపై పోరాటానికి సిద్ధమైన రాఘవుడు ఆకాశానికి విల్లు ఎక్కుపెట్టినట్లు ఈ పోస్టర్ ఉంది.
కృతి సనన్ సీతగా నటిస్తున్న ఈ చిత్రంలో సైఫ్ అలీఖాన్ రావణుడి పాత్రను పోషిస్తున్నారు. టీ సిరీస్, రెట్రోఫైల్స్ పతాకాలపై భూషణ్ కుమార్ నిర్మిస్తున్నారు. యూవీ క్రియేషన్స్ సంస్థ నుంచి వంశీ, ప్రమోద్ నిర్మాణ ంలో భాగమవుతున్నారు. సంక్రాంతి పర్వదినం సందర్భంగా జనవరి 12న ఈ చిత్రాన్ని రిలీజ్ చేయబోతున్నారు.